Spodźiwne starosće wo etnisku zestawu jadrowych kónčin – połne přećiwkow

Alfons Ryćer wostanje tež po kóncu swojeho zastojnstwa na čole zarjadniskeho zwjazka Při Klóšterskej wodźe politiske wužadanje. Njedawno komentowaše na titulnej stronje Serbskich Nowin wobchadźenje z temu ćěkancow. Po powšitkownych popularnych a wěrnych wuprajenjach wo eksporće brónjow je wón w poslednich linkach nimale připódla na změnu etniskeje zestawy ludnosće w dwurěčnych gmejnach skedźbnił – so na namołwu krajnoradneho zarjada wšěm gmejnam poćahujo, prošu jara ćěkancam přebytk poskićić.

To je wězo jara elegantnje sformulowane, tak njetrjebaše direktnje před asimilaciju Serbow přez syriske swójby warnować, štož by jemu snadź zjawny politiski porok přinjesło. Tak je cyły přinošk grandiozny wotwjedźenski manewer. Ta „etniska zestawa“ je so minjene lětdźesatki w jadrowych kónčinach hižo dramatisce na njedobro Serbow přeměnjała přez a) připućowanje Němcow, b) sebjeasimilaciju Serbow a c) a (bohužel akceptowany) narok wjele ludźi němskeje mjeńšiny w serbskich wsach, rěčne zajimy serbskeje wjetšiny ignorować směć, dokelž „smy wšitcy w Němskej žiwi“.

Chróšćan zběžk lěta 2001 bě wuraz sebjewědomeje serbskeje „hegemonije“ w serbskim kraju, kaž so po tradijici słuša. Alfons Ryćer pak na serbskej barikadźe njeběše, ale skutkowaše jako serbska „pjata kolona“ krajneje radźićelki přećiwo ryzy serbskej srjedźnej šuli w Chrósćicach. Wo podźělu tajkich naprawow (kaž tež zawrjenje Pančan šule) na změnje etniskeje zestawy ludnosće njech so jónu porjadnje slědźi – to by nadawk za Serbski institut był. Jako wědomostny přinošk přećiwo ressentimentej, kiž je tótka Serbstwa.

10 Antworten to “Spodźiwne starosće wo etnisku zestawu jadrowych kónčin – połne přećiwkow”

  1. stara socialistka Says:

    A štó ći tutón wědomostny přinošk napisa? To, štož so stawa, je za Serbski institut wobohaćenje.

  2. stara socialistka Says:

    K mojemu prěnjemu komentarej:
    Alfons Ryćer njeje jenički, kiž jako pjata kolona pola Serbow skutkuje.
    W Serbskim instituće maš přiradu, kiž wobsteji ze čłonow, kiž ničo ze Serbami činić nimaja. Rozsudam tych čłonow wo zawjedźenju hybridologije su na př. Serbaj M.W., L.E. a dalši přihłosowali.

    Pjata kolona je tohorunja L. B., kotraž je z jeje 2plus-systemom maćernorěčnu wučbu skóncowała.
    Pjata kolona bě tohorunja M.V., kotraž je sydom lět z pomocu Załožby za serbski lud do SLA ludźi tykała (snano je Załožba to sama činiła), kiž serbsce wuknyć nochcedźa a žane serbske spěwy spěwać njechaja.
    Pjate kolony maš wšudźe, w nimale wšěch serbskich institucijach.
    Tež Domowina swoje pjate kolony ma. M.H. je jenož jedyn z nich.

    • budyslaw Says:

      Ale pjatu kolonu Milenu je tez Piwarc mocnje chwalil a sej cescil. Zrudne, ale werno: ze serbskimi spewami njemozes nico zasluzic.

      Manfred so za zajimy swojich ludzi zasadzuje. A to su hinase hac sej nekotryzkuli Hornjoserb preje.

      A stó tematizuje naboznu zestawu jadrowych kónčin?

  3. budyslaw Says:

    Kozdy je jenoz wopor zadyn winik, kaz wsudze.
    Rögner wezo lepsi njebe. Kontinuita w njekmanosci.
    što je załožba zachribjetnje přez Milenu zdokonjała? A štó, Suchy sam?

    • stara socialistka Says:

      Wulkotne wopisowanje cyłeje stawiznički: Kontinuita w njekmanosći.
      Ja njepraju, zo je Milena jenož wopor. Što je wona w swojim času činiła, zhoniš wot załožby a Mileny sameje. Tohodla je tón staw tajki kajkiž je.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: