Serbska awtonomija njeje z blida – abo? Što praji nam herbstwo Jurja Rjenča w krizy EU?

Wčerawše smjerćzajimawe telewizijne wusyłanje http://www.mdr.de/ahnen/spur-der-ahnen-stalin-tito-und-mein-vater100.html MDR sej wobhladawši – zapłać Bóh Timej Meškankej, Edmundej Pjechej a Benediktej Cyžej za wuslědki slědźenjow –, nětkole wěm, kotry by teritorij serbskeho stata był – 6.242 kwadratnych kilometrow. Hlejće mapu na wonej internetnej stronje.

Tehdom běchu tři scenarije:

a) swójski serbski stat

b) přizamknjenje Čěskosłowakskej

c) awtonomna prowinca Němskeje

Po rozprawje je tehdomniša Domowina zhromadnje z načolnymi funkcionarami SED tutej narodnej emancipaciji zadźěwała. Němcy pak dyrbjachu potom z prěnim serbskim zakonjom a w nim zakótwjenymi prawami Serbow małemu ludej w stawiznach dotal jónkrótne připóznaće dać. To bě takrjec politiska płaćizna za zapřijeće Serbow do wuchodneje Němskeje.

Před lětomaj stejachmy na rozpuću mjez

d) serbskim sejmikom

e) posylnjowanjom třěšneho zwjazka.

A hłowna zhromadźizna Domowiny je so za e) rozsudźiła – a) do c) njeběchu hižo pódla.

Dźensa pak wosrjedź krizy EU a po wostrózbnjacych dožiwjenjach z wotpokazanjom „Minority Safepack iniciatiwy“ europskeje wobydlerskeje iniciatiwy za mjeńšinowe prawa a zaso bjezkónčnej ćahańcy dokoławokoło přichodneho bugeta Załožby za serbski lud wostanje prašenje za najefektiwnišimi srědkami zastupowanja serbskich zajimow dale aktualne. Přeco w krizowych časach – po 1918, 1945 a 1989 – su Serbja nowe opcije narodneho zjawneho žiwjenja wuspytowali. Potajkim je dźensa zaso najwjetši čas.

Jurij Rjenč bu wot swojetskeje tajneje słužby swojeho angažementa za njewotwisne Serbstwo dla přesćěhany. Tema serbskeje awtonomije njeje wothóčkowana. „Serbski sejmik“ sym tohodla wotpokazał, dokelž by wón faktisce němski regionalny parlament ze serbskim razom był, potajkim něšto hybridne. Što pak je prawa načasna konkluzija z Rjenčoweho skutkowanja – snadź horjeka mjenowani stawiznarjo to wědźa.

Abo maja woni prawje, kotřiž twjerdźa, zo su Serbja mjeztym mrějacy lud? Potom wězo njeby nihdźe dosć mocow za kulturne a kubłanske strategije awtonomije było. Abo su Serbja sydomdźesat lět pozdźišo prosće přemało ludźi za tajkule emancipaciju wot wjetšiny? Abo to hižo docyła měć nochcemy, dokelž bychmy so bjez Němcow mjez sobu na čuwy šli? Abo je w dobje tworjenja syćow „awtonomija“ tak a tak wopačny zaměr?

Benedikt Cyž wo temje z Rozhledźe 10/2011

http://www.rozhlad.de/nastawk_135.html

4 Antworten to “Serbska awtonomija njeje z blida – abo? Što praji nam herbstwo Jurja Rjenča w krizy EU?”

  1. Swětožračk Alduin Says:

    Luby Piwarco, prašenje njeje hač by lěpje było bjez Němskeje žiwy być-samostatni Serbja bychu byli wulkotna wěc a měli być prěni zajim wote nas wšěch. Staji so pak prašenje, hač bychmy byli tučasnje hišće pře mały ludźik za tajki stat. Pjenjezy ze stron Němskeje njebychu snano wjace běželi a bychmy so dyrbjeli sami starać. Za to smy pře mało gmjejnow z pře mało financami. Dale je trjeba Němskeje infrastruktury (hamty, uniwersity, chorownje etc.), kiž tučasnje tež sami financować njemóžemy.
    Je dweju wupučow: Pak sadźimy na to, zo dale tak wjele dźěći je a naše susodne gmejny so zaso přeserbšća, runje tak kaž w Drjezdźanach (hdźež pak njebudźemy tak spěšnje wjetšinu stajić 😉 ). Potom bychmy raz móhli samostatni być, jeli znajmjeńša wokrjes Budyšin republice přisłuša (mejdla hišće zbytnych Němcow z mało dawkami wabimy, so wot Němskeje wotrjec). Druha móžnošć je na dalewuwiće EU sadźić a w padźe stata EU, tež na mjeńšinowe zwjazkowe kraje sadźić, wšako by była EU jako kraj federalnje natwarjena. Třeća móžnošć by była snano hišće awtonomny status, ale to jenož Němskich fašistow za wjedźbu do našich wjeskow čěri. A z chudej Cěškej njebych tež chcył hromadźe być. Štož trjebamy su wjace serbskich wobydlerjow-jeli Salman a iwan so zeserbšća by to wězo rjenje było, ale na to so njemóžeš spušćić. a lěpje by potom było, jeli byštaj tež w Serbach dźěłałoj. Quo vadis, přećeljo?
    Jeli je z prawopisom něšto, wodajće mi to, mój hłowny wuwučowar njeje Serb (był).

    • piwarc Says:

      Jeli byštaj nawoda awtodźěłarnje a wobdsedźer pjekarnje resp. konditor Salmana a Iwana přistajiłoj, by to wšo tak běžało, kaž prajiš :-). A w zakitowanju mjeńšinowych prawow tež dosć praktiskich nazhonjenjow mataj ;-).

      • stara socialistka Says:

        Hdźe je tola te pozitiwne nastajenje předewzaćelow ćěkancam napřećo, wo kotrymž je so w SN rozprawjało. Abo njeje cyle tak pozitiwne? Kaž widźiš, budźe jara ćežko, dźěło za ćěkancow bjez znajomnosćow němčiny resp. serbšćiny namakać.

      • piwarc Says:

        Budźemy widźeć :-). Kaž prajene: Poskićuju mjez druhim 22-lětneho awtolakěrerja (připóznateho ćěkanca, kiž dóstanje we winowcu swój němski pas) z 6 lětami powołanskeho nazhonjenja na tutym polu, zakładnymi znajomosćemi němčiny a dźeń a wjetšim serbskim słowoskładom. Nimo awtodźěłarnjow móže wón tež jako pomocnik na twarnišćach dźěłać, je w Iraku na twarje chorownje sanitarne připrawy instalował. – Štóž něšto ma, njech zazwoni: 01718983985 A připódla prajeneje by to tež strategiska podpěra serbskej kopańcy była. 🙂

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: