Čerstwy wětřik ćěkancow tež Serbam tyje

Marko Martin, kotrehož sej jara wažu (nic naposledk tohodla, dokelž smój před wjele lětami hižo na podobne wašnje pod njekonformistiskimi wuměnjenjemi publikowałoj), pokazuje w mudrym eseju w aktualnym wudaću nowiny „Die Welt“ na čerstwy wětřik, kotryž ćěkancy do Němskeje přinjesu a mjenuje jako lěpšiny mjez druhim sćěhowace dypki:

  • kónc wostudłych, hižo lětdźesatki trajacych wěčnje samsnych larmoyantnych debatow wo poměrje mjez wuchodom a zapadom w Němskej a nawopak;
  • wutłóčenje wšelakich modowych zjawow pozdatneje politiskeje korektnosće;
  • dynamisku budźacu konkurencu za domoródnu młodu „generaciju maybe

http://www.welt.de/print/die_welt/debatte/article146979612/Frischer-Fluechtlingswind.html

Posaarski nutřkowny minister skedźbnja mjeztym na praktiske problemy z wjele – hišće njeintegrowanymi – připućowarjemi w lěhwach azylantow. Mam přeco za wažne, konkretne wěcki wšědneho dnja chutnje brać. Njedźiwajcy někotrych signifikantnych kulturnych spodźiwnosćow we wobchadźenju ze žonami, kotrymž dyrbja wotwuknyć, wopisuje minister wšelake fenomy, kotrež móžeš tež w kwartěrach masoweho turizma z „křesćanskimi“ resp. „zapadnymi“ ludźimi dožiwjeć.

https://www.youtube.com/watch?v=Lb5juByR_y8

Njech je, kaž je, wužijmy tónle čerstwy wětřik ćěkancow za přewinjenje skóstnjenych strukturow serbsko-němskich debatow we Łužicy:

  • hižo žanu sekundu wo mjezsobnych začućach Němcow napřećo Serbam a nawopak njediskutować a njefilozofować – tysac lět to samsne nětk dosaha;
  • ze žiwjenskim časom za přemyslowanje wo pozdatnych serbskich kompleksach mjenjehódnoty hižo njebrojić, štož jenož optimizmej zadźěwa;
  • město kumštneje „dwurěčnosće“ jasne serbske awtochtone zjawne rumy pěstować – z poskitkami za rěčny přistup němskich, syriskich a dalšich migrantow.

Martin cituje Heinricha Heine: „Ein neues Lied, ein besseres Lied, o Freunde, will ich euch dichten.“ To rěka po přikładźe mnohich připućowarjow: Wjac pragmatizma, fleksibility a wole k rozwiću dale a witalnišeho a sebjewědomišeho towaršnostneho žiwjenja. Štož je Martinej wupuć z „längst stagnierendem deutsch-deutschen Dauergespräch“, móžemy na projekt přewinjenja serbskeje a němskeje stagnacije we Łužicy přenjesć.

9 Antworten to “Čerstwy wětřik ćěkancow tež Serbam tyje”

  1. filozof Says:

    Zdźěla sym z twojimi tezami přezjedny.
    K tomu: „Posaarski nutřkowny minister skedźbnja mjeztym na praktiske problemy z wjele – hišće njeintegrowanymi – připućowarjemi w lěhwach azylantow… Njedźiwajcy někotrych signifikantnych kulturnych spodźiwnosćow we wobchadźenju ze žonami, kotrymž dyrbja wotwuknyć,..“
    bych jenož prajił, zo zwjetša njejedna so wo dźěći, ale wo dorosćenych, kiž njebudu swojim kulturnym „spodźiwnosćam“ we wobchadźenju ze žonami atd., wo kotrychž ty sam powědaš, wotwuknyć. Tak kaž za rěč to tež za kulturne spodźiwnosće płaći. Dźěćo nowe rěče jara spěšnje wuknje, nic jenož słowa, ale tež zwuki. Dźěćo rady wuknje. Čim starši čłowjek je, ćim mjenje rěčow derje nawuknyć móže. Na kóncu padnje čłowjekej (znajmjeńša fonetisce) jara ćežko, nowu rěč prawje nawuknyć.

  2. filozof Says:

    Integracija wo kotrejž rěčiš:
    http://www.welt.de/regionales/hamburg/article147094597/Fluechtlinge-gehen-mit-Besen-und-Latten-aufeinander-los.html

  3. filozof Says:

    Je woprawdźe absurdne, Piwarco, zo Ty jako lěwy, pakt z ludźimi činiš, kiž maja hinaši swětonahlad hač lěwi a zeleni, kiž su přećiwo homoseksualnym, přećiwo prawam žonow, přećiwo demokratiji a přećiwo nowinarstwu. Je woprawdźe paradokson, zo podpěruješ ludźi, kiž su přećiwo zasadam lěwych a zelenych. Je rjenje, čłowjekam pomhać, ale ty pomhaš ludźom, kiž ničo ze zasadami lěwych a zelenych nimaja, kiž randalěruja a kiž srjedźowěkowske wašnje wobchadźenja ze žonami podpěruja.
    Twój blog njeby ani w Saudiarabiskej ani w Egyptowskej eksistował a wšitcy wěmy, što je so saudiskemu bloggerej njedawno stało.

    Runje Hitlerowi nacisća genocid Armenjanow w Turkowskej podpěrowachu, dokelž widźachu podobne a za nich wulkotne wašnje wobchadźenja z „mjenjehódnymi“! Tohodla bě Němska při tutym genocidźe skućićel. Podobnje kaž Kurdojo mjez druhim, kiž sobučinjachu.

    Nacistiske NSDAP-wašnje je islamistisko-fanatiskemu jara podobne a runje w podpěrowanju migrantow z islamistiskim swětonahladom widźu tón špak.

    Ja mam wulke zrozumjenje a rady čłowjekam pomham, ale widźu tež wulke problemy, wo kotrychž dyrbi so prosće rěčeć.

    • piwarc Says:

      Kanclerka Merkel, kotraž je ćěkancam z Madźarskeje puć rubała, njeje pak lěwicarska politikarka. Zo tuchwilu dźesać tysac kóždy dźeń přińdu, njejstaj Gysi a Ramelow zdokonjałoj :-). To wočiwidnje ničo z prawym abo lěwym boku činić nima.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: