Baumann-Hasske a Serbski sejmik

Socialdemokratiski zapósłanc krajneho sejma Harald Baumann-Hasske – w Serbach hižo znaty jako prawiznik w naležnosći Dyrlich / Meškank – chce „Serbski sejmik“ podpěrować, bě w powěsći SN čitać. Rěčeć nimale přeco pomha, tohodla je w dobje legitimaciskeje krizy demokratiskich institucijow po cyłej Europje w porjadku, tež w Serbach wo zakładnych prašenjach zastupnistwa serbskich zajimow debatować. Prašenje pak je, štó w Serbach samych změje zajim, so ze sejmikarjemi zaso za blido sydnyć a x-ty raz wo samsnych abstraktnych wěckach diskutować.

Po mojim zazwanju su wosebje młodźi angažowani Serbja jara zaběrani z pěstowanjom serbskeju rěče a kultury we wjesnej (a měšćanskej) towaršnosći a w swójbje, dale a bóle tež z wuměnu wo tym w syći, ale wulku potrjebu za nowymi narodnopolitiskimi strukturami dotal artikulowali njejsu. Nowy wólbny modus serbskeje rady w Braniborskej njeje na tym ničo změnił, wšako dźe w Podstupimje wo ryzy poradźwacy gremij. Při wutworjenju noweho centralneho rozsudźaceho organa by prašenje „Štó je serbski suweren, kotryž smě wolić?“ rozsudne było. Na to pak iniciatiwna skupina dotal žanu spokojacu wotmołwu nima.

To bě wuslědk dialoga mjez iniciatiwnej skupinu a lobby-wuběrkom Domowiny. Najebać to móže so wězo wo tutej temje w frakcijach krajneho sejma debatować. Rozsudźić pak dyrbja Serbja sami. To je hižo prašenje dodźerženja mjeńšinoweho prawa, na kotrež so iniciatiwna skupina „Serbski sejmik“ hewak rada powoła.

3 Antworten to “Baumann-Hasske a Serbski sejmik”

  1. filozof Says:

    Nichtó so njesydnje.
    Sprěnja filozofěruje Měrćin Wałda přewjele. Nichtó njerozumi, što wón chce. To, štož wón na posedźenjach powěda, su jeho pisomne přinoški wo demokratiji ze Serbskich Nowin a Rozhlada. Luta teorija. Serbski sejmik je wjele přiwisnikow přez tute teoretiske tam a sem zhubił.
    Zdruha je Dyrlich tohorunja jedyn kontrowersny zastupjer Serbskeho sejmika. Njerozumju, čehodla su tajkeho knjeza (Baumann-Hasske) angažowali, kiž je znaty po tym, zo je so za čornjenje pasažow wědomostnych knihow zasadźował. Dyrlich je z tym wulki zmylk sčinił.
    Serbski sejmik trjeba młodeho a njeznateho nawodu, wo kotrymž ludnosć žane negatiwne měnjenje nima.
    Tón druhi problem je, zo njejsu sejmikarjo zmužići dosć, swoje plany hižo zrealizować. Woni móža z „natwarjenjom“ Sejmika započeć a hdyž je wšo w porjadku, přidruža so jim druzy.
    Njerozumju, na koho woni čakaja a što woni chcedźa. Čakaja woni, zo so Domowina sama wot so wottwari???

    Ekstistowanje sejmika móže lěpšiny měć, ale radikalne a spěšne wottwarjenje Domowiny by awtomatisce smjerć za serbske politiske zastupnistwo rěkała. Hdy by sejmik njenadźicy zwrěsćił, by wšo kónc rěkało. Riziko je přewulki a tohodla namjetuju, zo, hdyž su Wałda, Dyrlich a co. tak přeswědčeni, zo je Sejmik ta prawa opcija, zo hižo swój sejmik natwarja a nam pokazaja, što Sejmik w praksy rěka.

  2. razdwajštyri Says:

    „ale wulku potrjebu za nowymi narodnopolitiskimi strukturami dotal artikulowali njejsu.“

    Šmórn słowo nowymi a kóždhy młody angažowany Serb Ći přihłosuje.

  3. omit knakşem w kofejowej přestawce Says:

    „Rěčeć nimale přeco pomha …“ A hdyž nic, tak přiwjedźe sej psyčk swojeho wjelčaka sobu za blawkanje a kusanje:
    http://www.baumann-hasske.de/baumann_werdegang.2.html

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: