Nječińće sej pseudoproblemy z – ewentualnymi – ćěkancami w serbskich wsach! Němcy „strašniši“

Je chwalobne, hdyž so CDU w zarjadniskim zwjazku Při Klóšterskej wodźe we wěcownej debaće zaměstnjenju ćěkancow a integraciji jich dźěći do našich kubłanišćow wěnuje. K wozjewjenym wuprajenjam w serbskim wječorniku jenož tři – tohorunja – wěcowne přispomnjenja:

  1. Serbja njejsu lětdźesatki dołho žanu wulku zjawnu diskusiju wo tym naparali, zo do serbskich wjeskow přichadźacy Němcy přez swoju rěčnu ignorancu serbsku substancu w swójbach a w zjawnym rumje masiwnje wohrožuja. Tohodla je to wjac hač skurilne, hdyž so nětkole tematizuje, serbskosć hladajo na ewentualnu horstku cuzorěčnych wobydlerjow škitać, kotřiž porno Němcam docyła narok nimaja, zo jich dla serbsce njerěčiš. Tule faktisce njeńdźe wo škit serbskosće, ale škit přeněmčeneho Serbstwa před ludźimi, kotřiž snadź (!) aspekty narodneje kultury chutnišo bjeru hač wjele Serbow samych.

2. Štož předsydka serbskeho šulskeho towarstwa wo rěčne kubłanje dźěći azylantow powěda, njeje wuraz realizma, ale tutoho cyłeho skóstnjeneho běrokratizma, kiž nam hižo dołho při wobchadźenju sakskeje kubłanskeje agentury a kultusoweho ministerstwa ze serbskimi kubłanišćami na čuwy dźe. Dźěći azylantow su hustodosć w rěčnje měšanych kónčinach wotrostli. Młodźi kurdojo ze Syriskeje na přikład móža wot doma sem ertnje kurdisce, přez šulu ertnje a (mjenje abo bóle) pisomnje arabsce, potom přez susodstwo kusk turkowsce a po puću do Němskeje dyrbjachu sej kusk jendźelšćiny přiswojić. To su hižo štyri rěče jako wobstatk žiwjenja resp. přežiwjenja. Te prašenje „serbsce abo němsce?“ je problem ze swěta wobchadźenja z jednorěčnymi Němcami, ale nic z wjacerěčnymi młodymi ćěkancami.

3. Hač je něchto na kemšach k spočatkej šulskeho lěta přitomny abo nic, je za integraciju wšojedne. (Je za integraciju koparjow w Chrósćicach tež wšojedne, hač dwajo porno druhim piwo njepijetaj.) Nimo toho je to z muslimami kaž z njekonfesionelnymi ludźimi, kotřiž najebać hinaši swětonahlad tola hdys a hdys sobu do cyrkwje chodźa kaž dostojni wopytowarjo-wobkedźbowarjo. To tola žadyn problem njeje.

Potajkim: Nječińće sej bjez nuzy wjac problemow, hač mamy. Žiwjenje dźe dale.

5 Antworten to “Nječińće sej pseudoproblemy z – ewentualnymi – ćěkancami w serbskich wsach! Němcy „strašniši“”

  1. filozof Says:

    Kopańca njedosaha. Činja twoji Syričenjo hišće něšto sobu? Wobdźěla so woni na spěwnych wječorkach abo serbskich fejtach?

  2. nyča Says:

    Za tajke wobmyslenja chwile nimamy, wšako dyrbimy mjeztym kanclerce listy pisać: http://m.sz-online.de/nachrichten/streit-um-asyl-brief-an-kanzlerin-3244123.html

    • piwarc Says:

      Knjez Domaška z tutym prawicarskopopulistiskim kałom Serbow bjez kónca blamuje. Po najnowšich spodźiwnych wustupach wšelakich ludźi k temje azyl w Serbach njemóžu tutu temu na ZP Domowiny zapřichodnu sobotu hižo diplomatisce wobjednawać.

      • zrudna studentka Says:

        A čehodla nic a čehodla diplomatisce? Što wobjednawaće na ZP Domowiny? Pijeće sekt? Wustupy předsydy Domowiny su w Serbach derje znate. Radšo sekt w Lipsku z E.W. a přećelemi S.A, L.B., T.V. a J.Š. pić kaž tež z CDU (Tilichom a Michałkowej) snědać, hač problemy rozrisać. Njedźiwajće so potom, hdyž serbski sejmik dawa.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: