Přezpólni w Pančicach – pledoyer za serbsku mužacu drastu a dobra předhra swobodneho dnja

https://www.facebook.com/Prezpolni/

W Pančan Starej hospodźe móžachmy sej na předwječoru swjateho – a bohudźak w Sakskej dźakowano Biedenkopfej swobodneho – dnja w rjedźe nazymskich koncertow załožby něšto popřeć, štož w tutym kulturnym cyklusu wočakował njejsym. Wustup skupiny „Přezpólni“ z programom „Zwotkal sy, buriko?“ wabješe, mje wosebje wožiwjena serbska drasta za muži. W katolskich kónčinach mamy tola w našim času njespokojacy staw, zo je žona na wosebitych swjedźenjach – na přikład na kwasach – derje wuhotowana a muž jenož připlack we wostudłym čornym wobleku.

Tohodla witam estetiski projekt zrowastanjenja mužaceje serbskeje drasty, wo kotrymž maš jowle zaćišć w zwisku z prjedawšim lětušim zarjadownjom w Dešnje:

http://www.lr-online.de/regionen/cottbus/Ausflug-ins-Mittelalter;art1049,5042886,C::cme307668,3399659

Hač budu jónu zwólniwy a kmany, 1.500 euro do tajkeho outfita inwestować, drje hišće njewěm, słušam tola bóle k frakciji rěčnych a nic tak folklornych Serbow, ale hdyž bych to intensiwnišo činił, štož steji nimo splažneho wobchada w srjedźišću wožiwjenych starych ludowych spěwow na składźe „Přezpólnych“: mjenujcy wjele piwa pić, bych so snadź zwěrił, jako tajki w zjawnym wobłuku chodźić.

Fabian Kaulfürst je na jara zabawne a njedźiwajcy toho naročne wašnje přez njehorne a druhe wobsahi programa wjedł. Moja mać praješe mi před lětdźesatkami, zo w jeje staršiskim domje přeco k pokutnemu dnjej rěkaše, zo njeje to po katolskim „Bettag“, ale „Bett-Tag“, a w tutym zmysle su „Přezpólni“ katolskej ludnosći radźenu hudźbnu předhru přinjesli.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: