Powědančko #schadźowanka 2015 a #censura

Na lětušej schadźowance běše samo protest přećiwo „censurje“ na jewišćo a přiklesk z publikuma za solidarizowanje ze šulerjemi dwanatki, kotrychž skeč wo azylantach njebu do programa přiwzaty. Nětk pak zwonkastejacy přeco hišće njewě, hač dźe wo a) přeńdźenje přećiwo wuměłskej swobodźe, b) wotwobaranje wohańbjaceho přinoška, c) wuchowanje dobreho stila tutoho towaršnostneho wjerška.

Pohóršk pozdatneho wopora censury w socialnej syći njerěka awtomatisce, zo je kritika woprawnjena. W Knize wobličow je dosć a nadosć njewěrnosćow a njezmysła, štož lědma štó konkretnje přepruwuje. Kak zahubnje so tajkile konglomerat bladow na towaršnostnu atmosferu wuskutkuje, móžemy runje při tutej tematice „azyl“ wobkedźbować. Mjeztym dale a husćišo policija přećiwo rozšěrjenju powěsćow wo – njeeksistowacych – njeskutkow ćěkancow zakroča.

Zamolwići za wulke kulturne zarjadowanje maja estetisku, wěstotnu a prawnisku winowatosć při zmištrowanju swojeho organizowanja podawka. To nichtó jim wotewzać njemóže. Ale snadź mi něchtó jónu widejo (jeli dawa) wo internej probje tutoho skeča připósćele, zo bych sej móhł swójski wobraz tworić. Hewak su to za mnje blady wo censurje, jedna dubiozna zapřisahanska teorija wjac …

10 Antworten to “Powědančko #schadźowanka 2015 a #censura”

  1. piwarc Says:

    PS.: Bych jim skeč hrać dał. 🙂

    • filozof Says:

      Hdźe to? W twojej chěžce? Snano so ći wobsah lubić njebudźe, twojim azylantam tež nic. Snano su gymnaziasća woprawdźitosć wo azylantskej krizy powědali. Gymnaziasća su wopor censury lěwych a zelenych, kiž islam w Němskej a EU podpěruja, kiž zdobom emancipaciji žonow zadźěwaja.

      • piwarc Says:

        Sym tekst čitał, mi so lubi – a „mojim azylantam“ zawěsće tež. 🙂

      • nyča Says:

        „Gymnaziasća su wopor censury lěwych a zelenych, kiž islam w Němskej a EU podpěruja“ 😀 😀 😀 Škit Budyšin bě tekst wězo do protesta na wědomje brał, hinak hač filozof.

  2. Stefan Says:

    Nek pa sym wcipny, hac je tekst tez zjawnosci pristupny, zo by sej kozdy mohl sam wobraz cinic?

  3. Swětožračk Alduin Says:

    Jako je gymnazij tehdy prěni raz, 2012, na schadźowance wustupił, je so program tež wot režije, do toho, přehladał. Dokelž běchu nowačcy, su woni kritiku a změny, kiž su so namjetowali, tež přiwzali. Z toho štož sym sej informował, šćěhuju, zo njeje režija tež lětsa cyły kabaret chcyła přemjetać. Gymnazij je wotmołwił: „Pak kabaret dokładnje tak zwosta abo my njetrjebamy sobu činic“. To běše potajkim zhromadne wotrěčenje mjez akteromaj a žadyn skandal. Tež hdyž mam přidać, zo je režija so hižo dlěši čas přez časowu huskošć hóršiła a tak njeje jim snano pře ćežko padnyło, gymnazijej ně rjec.

    A FILOZOFO, přemysli sej derje što je hórje: Muslimska EU abo prawa za žony 😀
    (mały žorćik, widźimoj so na demo k 8. měrcej)

  4. Alojs Says:

    A što wuknjemy? Lěwi (piwarc) a prawi (filozof) populisća so njech najprjedy informuja a hakle potom piša. Tak njelutuja so jenož wjele pismikow ale wšitcy su wurunaniše, dokelž so tak jara njepuzola.

    • filozof Says:

      Kedźbu z pawšalizowanjom! Piwarc, po mojim měnjenju, lěwicar njeje (Wón je jenož sobustaw strony Die LINKE) a tež ja „prawicar“ njejsym. Zo by Piwarc lěwy był, měł wón jenakosć wšěch ludźi podpěrować. To wón nječini, dokelž: a) na jednym boku podpěruje homomandźelstwa, b) na tamnym podpěruje, po mojim měnjenju, prosperowanje ludźi, kiž su kamjenjowanje homoseksuelnych widźeli abo su so na tym sami wobdźělili abo namóc wot doma derje znaja. To prosće zhromadźe njeńdźe.

      Być sobustaw jedneje politiskeje strony, njerěka, zo so z prěnjotnej politiskej ideologiju teje strony identifikuješ. Merkel so z ideologiju swojeje strony njeidentifikuje.

      • Swětožračk Alduin Says:

        W kajkej stronje da sy, filozofo: KPD abo III. puć? Ale tu prawje maš: tež w Lěwicy dawa křešćanow. Ale, zo je Němski konserwatizm poměrnje lěwy je znaty. Politiski spektrum njeje wjac tak huski, kaž w zašłym lětstotku. To je dźensa normalnje a špiheluje demokratisku a pluralistisku towaršnošć.

      • filozof Says:

        Njewidźu, čehodla mam so za jednu stronu rozsudźić.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s


%d Bloggern gefällt das: