Hižo žadyn žałožbowy direktor – žadyn dźiw, ale logiska konsekwenca

Załožbowy direktor być je poprawom (!) w Němskej atraktiwna wěcka: Směš dary dobroćelow na dobro spomóžnych projektow zarjadować. Za to dóstawaš dźak přijimowarjow, towaršnosće a dobru mzdu.

W Serbach pak maš přewažnje institucije na šiji wisajo, kotrež su wězo wšitke měnjenja, zo bychu wjac pjenjez trjebali. W serbskej towaršnosći je wěčna zwada wo podźělu srědkow za tutoho abo tamnoho. Dźak wot nikoho njedóstawaš, wšako so ći wumjetujue, zo sy pak přeběrokratiski pak swojowólny. A twoju mzdu ći nichtó njepopřeje, ale zawidźi.

Potajkim nas poprawom njedźiwa, zo sej tónle job hižo nichtó nabrěmjenić nochce. W tudyšich sakskich zjawnych institucijach móžeš wjac zasłužić, w zapadźe tak a tak. Teoretisce maš drje kusk wjac politiskeje mocy hač druzy załožbowi direktorojo, praktisce pak će twój ludu kamjenjować spyta, hdyž někajku změnu namjetuješ.

Tak su rany hustodosć zjawnje křižowaneho Marka Sucheho wottrašace dosć. A naslědnikej poskićena mzda njedosaha za wurunanje wšěch pŕichodnych bolosćow. Wospjetne zwrěšćenje wupisanja za čas po wotchadźe Sucheho je jasne zamjo.

Tuchwilu hrožaca nachwilna personelna wakanca na čole Załožby za serbski lud njeje aktualny krizowy modus, ale dołhodobny wupłód krizoweho stawa serbskeho ludu. A zahubneho dobyća małych kralow na kóšty fungowaceho cyłka.

2 Antworten to “Hižo žadyn žałožbowy direktor – žadyn dźiw, ale logiska konsekwenca”

  1. Alojs Says:

    Twoja interpretacija… Moja je skerje tajka:
    1. Suchy je přez dwaceći lět skomdźił młodych ludźi do zamołwitosće dóstać. Njeznaju jeničku wosobu ze zamołwitosću [b]A[/b]nazhonenjom w starobje kónc třiceći do spoćatk połsta.
    Tak je jenož eksterne rozrisanje móžne a te je wězo wo něšto ćeše, tež z mjenowanych přićinow.
    2. Suchy njeje wbohi wopor. Wón je hač do kónca bjez kompasa dźěwał a jara lóze šwikał. Hakle njedawno při prezentaicji koncepta za ansamblowu baštu je nahłe wustupował a z tym wšo rozbił.
    Docyła su rozsudy wokoła SLA abo SKI cyle wulki kał, hdyž raz 5, 10 abo 20 lět wróčo pohladaš. Bychu cyle tamne rozsudy trěbny byli.

    Nětko noweho namakać, kiž tutón črjopjenc přewozmje, njeje lochko.

    • filozof Says:

      Alojso, „młodych ludźi do zamołwitosće dóstać.“ je najskerje problem wšěch serbskich institucijow.
      „Nětko noweho namakać, kiž tutón črjopjenc přewozmje, njeje lochko.“ wězo nic, dokelž je mzda direktora za tutón črjopenc přeniska.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: