W našim – tež serbskim – swěće njeje hižo rum za druhich = problemy z klimu, ćěkancami atd.

Što ma dźensniša tuchwilna globalna ćahańca wo škit klimy z njedawnym lokalnym wuprajenjom činić: Hižo dźesać lět njebě w Pančicach twarskich ležownosćow za serbske swójby, tohodla je zaměstnjenje ćěkancow ćežko zrealizujomne.

Atmosfera zemje je napjelnjena ze 150 lětami nawječorneje industrializacije, z wotpadkami našeho a našich prjedownikow derjeměća. By globus Europje a USA samymaj słušał, by to snadź hišće něšto lětstotkow dale šło, ale na nim je wjac króć telko ludźi na druhich kontinentach, kotřiž chcedźa sobu dźerzžeć, bjeztoho zo je so jim to dotal radźiło. Před tajkim pozadkom je naš narok na dalše zmilinjenje wuhla we Łužicy runjewon asocialny. Štóž je hižo połdra lětstotka wobswět tak ekstremnje zanjerodźił, njech najprjedy druhim wustorkowanje wuhlikoweho dioksida přewostaja a sam inowatiwny techniski potencial za wobnowjomne energije wužiwa, kiž je pódlanski efekt tuteje industrijneje tradicije.

By-li zabetonowanje Němskeje tak dale šło kaž tuchwilu, budźe za třista lět posledni kwadratny meter zelenje pod plestrom, asfaltom a cementom pozhubjeny. W Budyskim wokrjesu mamy nětk mjenje lěsa hač po přewróće, byrnjež ličba ludnosće raznje woteběrała. A wšudźe pytaja za twarskimi ležownosćemi, dokelž chcedźa dale a mjenje ludźi w dale a wjetšich, dźeń a nowšich wilach bydlić. W Serbach z poměrnje stabilnym demografiskim połoženjom a nadpřerěznje dobrej hospodarskej situaciju je tón problem wězo najbóle napjaty. Hdyž chcedźa wšitcy za pjeć ludźi doma telko městna měć kaž prjedawše generacije za pjatnaće – plus tři parkowanišća za landrower, Audi, BMW 🙂 – a prošu nic z dalšej generaciju hromadźe a prošu nic přeblisko susodam a prošu nic stary twar přewzać atd. – potom su wsy přežadane kaž cyły swět.

Wot nas. Nic wot druhich abo cuzych. My sami smy najwjetši problem našeho swěta. Sym přiwisnik swobody, njech kóždy bydli a je žiwy, kaž jemu so chce, mojedla samlutki na třista kwadratnych metrach. To kóždemu popřeju. Ale kóždy tajki indiwiduelny rozsud ma konsekwency za cyły swět.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: