„Normalita“ w Njeswačidle

Serbske Nowiny wočakowachu wčera na titulnej stronje wot gmejnskeho zarjada w Njeswačidle wostronjenje nalěpkow „Heimreise statt Einreise“ atd. na pućnikach wosrjedž wsy. Čehodla poprawom?

Njeswarski wjesnjanosta je sobuiniciator – zhromadnje z Kamjenskim wyšim měšćanostu a předsydu zarjdaniskeho zwjazka Při Klóšterskej wodźe – protestneho lista 48 wjesnjanostow / měšćanostow Budyskeho wokrjesa – z agitowanju přećiwo „hereinbrechende Flüchtlingsströme“. Tak bě njedawno w Sakskich Nowinach čitać. Přirunujo z duktusom woneho spisa su nalěpki moderatne.

A zo su z nalěpkami serbske mjena zakryte, wjesnjanostu Schustera zawěsće wulce njemyli, wšako steji na jeho radnicy ilegalnje jenož „Rathaus“. A před lětami je gmejna – tohorunja ilegalnje – serbske wólbne zdźělenki „zabyła“.

Holešowscy azylanća su wot lońšeho nimale zruinowanemu motelej hospodarski boom wobradźili a wjesnemu konsumej w Njeswačidle dosć přidatnych dochodow přinjesli. Najebać wospjetne zjawne starosćenja Schustera w gmejnskim łopješku wo wěstotu w zwisku ze zaměstnjenjom azylantow njeje so w běhu lěta ničo stało. Wothladajo wot toho, zo policija před jich domom stajnje patruljuje, zo by ćěkancow škitała …

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: