Rozhlad: Wón je wona, to je wono – ale mamy dosć prašenjow

Na titulnej stronje Rozhlada lětušeho hodownika (!) je młody nahi muž widźeć, kotrehož napohlad hranicy knježacych pólskich PIS-ekstremistow zawěsće překročuje. Producent erotiskeje fotografiki je w interviewje na stronomaj 23 a 24 předstajeny. Respektiwnje producentka.

Dokelž smy drje na foće z mjenom wuměłca muža z mužacym kolesom w rukomaj wuhladali, ale jeho mjeno je žónske. Iwajla Klinke z Berlina. A tón po napohledźe "wón" so "fotografka a režiserka" mjenuje. W jeje / jeho wustajeńcy "Ritual memories" steja nazy mužojo ze skurilnymi předmjetami w srjedźišću. Z tuteje zběrki je Rozhlad swój titul wzał.

Zalońšim w hodowniku bě knjez / knjeni Klinke w Rozhledźe z wobrazom "Bože dźěćetko z Brězowki" zastupjeny/a. Tak zhonimy wo jeje / jeho fascinaciji za serbske – dźěćace – nałožki: "W dźěćacym swěće skutkuje wšo intensiwnišo, jara magisce, dźiwnišo, fragilnišo."

Viktor Zakar pak, dotalny šefredaktor serbskeho kulturneho časopisa, woteńdźe nětkole do nawjedowaceho zastojnstwa delnjełužiskeho centruma "Witaj". A je nam potajnstwo zawostajił, što tón / ta Klinke w cholowach ma, pardon, čehodla je jowle wón = wona. 🙂

Ale snadź njeje ani muž na titulu kompletny, wšako je jeho wobraz deleka runje tamle wobrězany, pardon, wobmjezowany, hdźež by dyrbjał spočatk woneho stawčka być, kotrehož dla je Klinke jeho snadź fotografował/a. Prašenja, kotrež najskerje potajnstwo wostanu.

8 Antworten to “Rozhlad: Wón je wona, to je wono – ale mamy dosć prašenjow”

  1. dušepastyŕ Says:

    tež hdyž to žortnje měniš – tónle přinošk za seksismom a heteronormatiwitu smjerdźi.

  2. dušepastyŕ Says:

    wězo. wažne pak jo, w kajkim konteksće tak činiš. tu njejsmy w korčmje abo doma w kuchni, jowle dźe wo zjawny rum a zjawnu diskusiju, tuž dyrbjał přemyslić. wšako tu tež mjenjenja druhich wobliwujemy.

  3. budyslaw Says:

    Prasenje wezo je, kak je so homoerotiski wobraz na titulnu stronu Rozhlada dosol. Je citarska prirada spala abo bese to prizwolenje Viktorej na koncu jeho sefredaktorstwa?

    Sto ton / ta Klinke w cholowach ma, mje njezajimuje, je tola hizo w Serbach dosc ludzi bjez jejkow.

    A hisce nesto, hdyz w Polskej ekstremisca knjeza, sto su potom nasi zaposlancy, kotriz wojnu wjesc chcedza?

    • TaBeja Says:

      Tajku rjanu wobalku donětka widźała njejsym. Prawy rozsud redakcije. Ja, wosobinsce, přeju sej wjace nahich mužow na wobalce serbskich medijow a wězo tež nutřka. Prědkow mamy w mediach dosć. Čehodla nic nahich Serbow bjez abo zez jejkami… Tutón młody muž so mi jara lubi a bych jeho zeznać chcyła…

      • piwarc Says:

        Z tym sy @budyslaw pokazał, zo je te prašenje, hač je to „homoerotiski wobraz“, wotwisne wot perspektiwy. Twój komentar bě pledojer za wjac tajkich – w tutym padźe – heteroerotiskich fotow :-).

  4. budyslaw Says:

    Ja sym wobraz jako homoerotiski zarjadowal, to pak njebe zane wothodnocenje.
    Je tola znate, zo zony homoseksuelnych rady maja 😉

    Za Tabeju: https://www.yatzer.com/ritual-memories-iwajla-klinke

    Tam wsitko widzis.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: