Serb być je prašenje skutkow – poskitk nowowusměrjenja narodneje sebjedefinacije

Serb_status

Šefredaktor serbskeho kulturneho časopisa „Rozhlada“ je nam w smjerćzajimawym přinošku „Wona njeje wólbokmana, wšako nima serbsku dušu!“ takrjec z makedonskimi nawočemi wupuć z wěčnje njerozrisaneje problematiki rubał, štó je „prawy Serb“ a jako tajki tež w Serbach připóznaty? Cyle wothladajo wot toho, zo je serbskorěčnych ludźi, kotřiž sebje samoho za Serba nimaja, a njeserbskorěčnych, kotřiž so k Serbstwu wuznawaja.

Skutki na dobro Serbstwa njech rozsudźa, praji Serb z migraciskim pozadkom, Viktor Zakar. (To je moja definacija, njejsym jeho so prašał). A to je prawje tak. Wězo wostanje łoskoćiwe prašenje, hač profesionelne skutki na bazy zrěčenja wo mzdźě a čestnohamtske skutki ludźi, kotrymž je Serbstwo drohotny a eksistencielny „konik“, za kotryž čestnohamtsce wólny čas zasadźuja, při tym jenak zastopnjujemy. Najskerje skutkuje „powołanski Serb“ w tutym zmysle hakle pozitiwnje, jeli twori powołanske a priwatne žiwjenje cyłk.

Poprawom je to cyle jednore: Štóž powołansce za serbsku rěč a kulturu wabi a priwatnje ze swojimi dźěćimi konsekwentnje njeserbuje, njeje z wida ludźi wěryhódny. Potajkim njemóže w zmysle Zakarjoweje definacije cyłostnje skutkować.

2 Antworten to “Serb być je prašenje skutkow – poskitk nowowusměrjenja narodneje sebjedefinacije”

  1. Horjanski Says:

    Zaso jónu je něchtó znowa koleso wunamakał – a pjelni z tym časopis, kotrehož niwow so jara wšelako posudźuje………

    • TaBeja Says:

      Njewěrju do toho, zo bě zaměr awtora, „koleso zaso wunamakać“. Jako podtitl njeby w tym padźe „Rozmysłowanje…“ stało. Tutu perspektiwu sym znała, awtor njeje wězo ničo wunamakał, ale tekst je mje pohnuł, wo tym raz přemyslować, kak to druzy widźa.
      Piwarcej přihłosuju: „Najskerje skutkuje „powołanski Serb“ w tutym zmysle hakle pozitiwnje, jeli twori powołanske a priwatne žiwjenje cyłk.“

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: