Što čini katolska cyrkej direktnje za Serbow, zo bychu woni Serbja wostali?

Tydźenik Nowy Casnik je wo historiskim wobzamknjenju financowanja běrtlk městna za delnjoserbske dušepastyrstwo z budgeta ewangelskeje cyrkwje rozprawił. Přirunujo ze stawiznami potłóčowanja Serbow a jich rěče w prusko-protestantiskim wobłuku je tale pjenježnje poprawom skromna kročałka woprawdźe přewrót. Je tež derje, zo njeje wuhotowanje tajkeho serbskeho městna w cyrkwi dlěje wotwisne wot přiražkow koncerna, kiž serbske wjeski wotbagruje.

Tuta dobra powěsć wjedźe nam do prašenja: Što čini katolska cyrkej za Serbow? Ja nětk njeměnju wšědne wěcne a personelne wudawki za serbskich wěriwych, kotrež bychu woni tež jako Němcy dóstawali. W katolskich Serbach leži jenička njediaspora našeho Drježdźansko-Mišnjanskeho biskopstwa. Nihdźe druhdźe w diecezy njemóžeš wo ludowej cyrkwi w zjawnosći rěčeć. Kaž je dawno wědomostnje wobkrućene, je tuta konfesionelna hranica dokoławokoło katolskeje „twjerdźizny“ lětstotki dołho k zdźerženju serbskeje rěče přinošowała. A nic někajke wosebite spěchowanje Serbow přez katolsku cyrkej.

W cyłku je katolska cyrkej w kóždym nastupanju bóle wot Serbow profitowała hač nawopak. A zo by „serbski fonds“ hišće lěpje wužiwajomny był, je wón hač do dźensnišeho do dweju dźělow pačeny. Tak dyrbja Kulowscy Serbja resp. jich přeněmčeni susodźa Zhorjelske biskopstwo zdźeržeć, najmjeńšu diecezu w Němskej, kotrejež samostatnosć je objektiwnje njetrjebawša. A dom biskopa Bena w Smochćicach je faktisce wuslědk wuswojenja serbskeho herbstwa – ze zrudnym krónowanjom jeničce němskorěčneho pučnika při awtodróze.

Haj, njesebičnosć je něšto drohotniše hač wobličiwosć. A my wěrimy, zo tón, kiž wjac dawa hač bjerje, na kóncu wjac ma. Dokelž je byće wažnišo hač status. Najebać to je fundamentalny rozdźěl mjez darniwosću a zwólniwosću, so wuklukować dać. To prěnje je dobry počink a znamjo swobody, to druhe je wuraz poddana. Tohodla steji prašenje, što katolska cyrkej aktiwnje direktnje za Serbow čini, zo bychu dołhodobnje Serbja wostali, na dnjowym porjedźe towaršnostnych diskusijow. A wězo praktiska wotmołwa.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: