Tajny tip za pućowanski wulět w domiznje: „Hornja Łužica“ při awtodróze

Zašłosć je interpretacija, přichod je imaginacija, přitomnosć je realna. To prěnje je wupłód filtra dopomnjenkow, postajene wot toho, štož smy zabyli; to druhe je wobraz přećow a starosćow; to třeće je woprawdźity wokomik. Abo z wida wědomostnika: Čas fyzikalisce njeeekstistuje, wón je ludźom wužitna wumyslena ideja (italski fyzikar prof. Carlo Rovelli). Kóždy elementarny proces je njewotwisny a rejuje z druhimi po swójskim rytmusu, splećeny w syći atomow ruma, hdźež změny njejsu linearne, ale wšudźe prezentne.

Naša Łužica je idealny wuchodźowanski teren. Chodźiš jónu kusk horje, potom zaso dele, maš přeco měrnu wotměnu wuhladow. Wotbłyšć wěčnosće. A njejapcy stejiš pěši zady znateje tankownje při awtodróze z dohodownym hołkom a tołkom. Přez dołhe rynki awtow wjedźe će pućowanje do wotpočowanskeho hosćenca.

Tamle sej skazaš čerstwej croissantaj, espresso a wodu za přestawku na stólcu při woknje. Z jednym wot štyrjoch (!) darmotnje k čitanju poskićenych eksemplarow nowiny FAZ (!) popřeješ sej swjaty měr, młodym a hižo přetołstym, nerwoznje kurjacym porikam wonka při popjelniku před woknom přihladujo. Haj, čas njedawa resp. mój čas nutřka w ćichim kućiku je cyle hinaši hač čas wonka. Ja mam chwile. A blečk za přemyslowanje wo Bohu a swěće. Potom dźe zaso połdra hodźiny na łužiskich honach domoj. Tak jednory móže dowol być. 🙂

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: