Hdyž Marko Suchy woteńdźe …

… wostanje jenož hišće pusty kraj. Cyle tak zlě po dźensnišim wotchadźe załožboweho direktora wězo njebudźe, ale nimale běrtlk lětstotka je tuta najskerje najmarkantniša wosobina w Serbach stawizny pisał.

Wón je pokazał, zo je prawe žiwjenje we wopačnym (ramiku) móžno. Wón je ze zarjadniskeho zastojnstwa spodźiwneje połstatneje institucije wažnu politisku funkciju sčinił. So wě, zo njeje ani bóh ani djaboł. Nowinarsku swobodu njeje wón ženje wohrozył, ale wón běše perfektna płonina projekcije hidy tych, kotřiž nochcychu swój partikularny wliw efektiwnišemu serbskemu cyłkej woprować.

Nětk Marko Suchy na wuměnk woteńdźe. Wón wostanje nan wulkoswójby, kiž je k zdźerženju Serbstwa wjac přinošowała hač někotři "powołanscy Serbja". Přejemy jemu wšo dobre do přichoda z wjele serbskimi praprawnučkami.

2 Antworten to “Hdyž Marko Suchy woteńdźe …”

  1. filozof Says:

    Haj, dyrbju ći přihłosować. My wjace tajkich Serbow z wjele praprawnučkami trjebamy. Ale:
    My „nabožinu měra“ a burki we Łužicy njetrjebamy.

  2. Marko Suchy Says:

    Česćeny knježe Braumanno,
    wotchad na wuměnk je drje přičiny dosć so dźakować, zo běch wjace hać 50 razow (z lěta 2008 po swójskim ličenju) we Wašich přinoškach subjekt rozprawnistwa, kritiki abo komentara. Njewěm, hać bě to něchtó druhi husćišo? Ličbu komentarow ani njeznaju.

    Nadźijam so, zo nětko tež tu čwak „pusteho kraja“ njezawostanje,

    Dalokož so wěm dopomnić, sym wosobinsce pola Was jako awtora přeco poměrnje derje wotrěznył, nic pak we komentarach. Hačrunjež sym Wam samo raz „Unterlassungsaufforderung“ pósłać dał.
    Za Waš přeco fairny wobchad ze mnu, chcu so Wam na tutym puču zjawnje dźakować.

    Chcu raz tak koketny być, Wašemu wčerawšemu zwěsćenju zo
    sym „najskerje najmarkantniša wosobina w Serbach“ wjace pozitiwneho pozadka přiličić, hać negatiwneho. Prawje na kóždy pad je, zo sym směł w zastojnstwje skutkować, kotrež je hladajo na móžnosće, wuskutki a zjawne wobkedźbowanje skoro jónkróćne w Němskej. Zwěrju sej rjec, zo sym drje móžnosće tutoho zastojnstwa połnje – hać k hranicam – wučerpał. Hać bychu wuskutki lěpše być móhli, budźe so hakle w přichodźe posudźować hodźeć.

    Wuslědki pak njejsu jenož wot direktora załožby ale tež wot jeje radźićelow wotwisne. Njedźělu tu Wašu wospjetnu kritiku, zo njejsym swoje koncepty dosć derje komunicěrował. Sym a wostanu demokrat, to pak přiwisnik reprezentatiwneje a nic plebiscitarneje demokratije. Z toho wurosćacych winowatosćow so pak runje serbscy radźićeljo załožby husto dosć wědomi njeběchu. Tež nic, hdyž běše předsyda Domowiny tež radźićel.

    Njedźělu tež Waše měnjenje, zo je załožba „spodźiwna połstatna institucija“. Wona je a wostanje statna institucija k zwoprawdźenju statneho nadawka a njewobhospodari „serbske pjenjezy“, kaž njedawno pisašće, ale wužiwa ryzy statne pjenjezy. Zo temu tež tak wostanje, so nadźijam, dokelž je to tež wažna wjazba mjez Serbami a Němcami. To njeměło so na hrački stajić dokelž tu wokomiknje bohužel kandidat za naslědnika direktora njeje.

    Budu swojej załožbje, tak kaž je, swěrny wostać! Serb sym a wostanu tak a znak!

    Marko Suchy

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: