Piwarc chce (snadź) piwo warić a 2016 sto tysac wopytowarjow docpěć

Online drje nic, luby Předźeznako SN, ale offline dawa pola Piwarca za wopytowarjow – Budvarske. Piće přez syć je hišće fyzikaliske wužadanje, na kotrymž dźěłam – to tež přichodnje jónu šafnjemy! 🙂 Dźakowano bledźenju mištra w Korzymskej sawnje wot zawčerawšeho nětk wěm, zo móžeš sej w interneće set za warjenje swójskeho piwa skazać. To pak pola mnje jenož budźe, hdyž Katolski Posoł sobu čini. 🙂

Po poslednim dnju stareho lěta je doskónčna bilanca wopytowarjow bloga – jich bě 84.000 (kaž hižo 2014. K přirunowanju: W lěće 2009 (po załoženju w jutrowniku 2008) ličeše WordPress 16.000. Njedźiwajcy toho je stagnacija – tež na wysokim niwowje – wostudła. Tohodla připowědźu dźensa lětuši zaměr: sto tysac.

Filozof njeje z ličenjom komentarow spokojom a widźi sebje samoho na prěnim městnje. Přewostajam statistiki US-ameriskemu wobhospodarjej platformy WordPress. Po jeho regulach dyrbju prěni komentar noweho dopisowarja dopušćić, potom móže wón bjez kontrole wozjewjeć – jeli na připrawje za internet při swojich kontaktnych datach wostanje. Tohodla je tež spěšnosć wozjewjenja cyle njewotwisna wot awtora abo wobsaha, ale jeničce wot wužiwanja samsnych kontaktnych datow.

Wšitcy druzy dyrbja čakać, doniž Piwarc na swój smartfon njehlada resp. zaso zwisk k syći nima (to we Łuhowskim dole hdys a hdys rólu hraje, ale sym W-LAN skazał :-)).Porno "nyča" a druhim naš "filozof" swojim kontaktnym datam swěrny njeje, a najskerje tohodla njeliči WordPress jeho přinoški jako teksty samsneho awtora.

Loni njebě prěni raz najbóle wabjaca a polarizowaca tematika někajke nutřkownoserbske rozestajenje, ale wobchadźenje z ćěkancami (w Serbach). Poprawom je to postup, my so hižo njezaběramy prěnjotnje ze sobu samymi, ale ze swojim poćahom k swětej.

2 Antworten to “Piwarc chce (snadź) piwo warić a 2016 sto tysac wopytowarjow docpěć”

  1. Clemens Says:

    Dale tak, luby Marcelo! Zohnowane a strowe nowe leto tebi a B.!

  2. Jurij Ł Says:

    To tla móžno njeje, piwarc wabi za Budvarske piwo! Čom da? Hdyž mamy tola SERRBSKE PIWO – ZŁOTO MILČANOW – za kotrež so tule 14. okt..2015 wabješe.
    Naš přećel dr. Handrij Mudry w Sakskej stolicy sej wšu prócu bjerje a stupa dale a šěroko šćežku za našu maćeršćinu a čini to wutrajnje z wulkej fantaziju. Za přichod Serbstwa a za serbsce wuknjace dźěći je wšitko prawe, nimo mloka tež wosebito piwo. Ju wšak, oju!
    Tohodla namjetuju, město kazanki do Budvara – skazanku do Drježdźan na Stup dale – ze žohnowanjom Katolsko Posła, ale tež njech Pomhaj Bóh! Hyno.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: