Gratulaciju Ludmili Budarjowej

Dźensa w Sakskich Nowinach: Interview z předsydku Serbskeho šulskeho towarstwa (SŠT) składnostnje jeho 25. róčnicy: Wo šuli pak ničo njezhonimy. Ludmila Budarjowa rěči wo nošerstwje SŠT pěstowarnjow – čehodla pak njeje hač do dźensnišeho jako nošer porjadneje swobodneje serbskeje šule k dispoziciji stało? Wona rěči wo prjedawšich debatach wo strukturach serbskeho šulstwa – tajke strukturne prašenja mějachu tež Němcy po kóncu NDR, nó a? Wona rěči wo starosćach pobrachowacych wučerjow dla – to je tohorunja tema po cyłej Němskej, ničo wosebite.

Wona pak njerěči wo wučbje na šuli, wo wobsahach, štož by poprawom nimo nošerstwa swójskeje šule poprawny předmjet šulskeho towarstwa być dyrbjało. Wona njerěči wo 2plus, najwjetšim asimilaciskim programje za maćernorěčnych Serbow nowšich časow.

Wona rěči wo tym, zo je dźens mjenje maćernorěčnych dźěći hač prjedy, to ma wočiwidnje indirektnje wusprawnjenje za to być, štož je so serbskim dźěćom w běhu połdra lětdźesatka přez wusowjenje a přeněmčenje jich rěčnych rumow na šulach načiniło. Njedźiwajcy toho gratuluju předsydce Ludmili Budarjowej k jeje stajnemu wliwej při tworjenju zjawneho měnjenja w serbskich a němskich medijach. To kóždy nješafnje. Nimo toho mam přeco respekt před wulkim angažementom, najebać to, hač sym z jeho zaměrom přezjedny.

Přezjedni smy so zawěsće w prioriće za spěchowanje rěčnych kmanosćow dźěći. Wo tym, štó je što při tym zdokonjał, budźe serbski stawiznopis pak snadź hinak sudźić hač načasny žurnalizm.

2 Antworten to “Gratulaciju Ludmili Budarjowej”

  1. pěstowarka Says:

    Wopačny titl. Radšo: „Gratulacija zmijicy“ 🙂

  2. filozof Says:

    Naaaa, Piwarco. W poslednim času mjelčiš. Ničo wo „lubych a pilnych“ ćěkancach njepisaš. Ludmila Budarjowa njerěči wo 2plus, najwjetšim asimilaciskim programje za maćernorěčnych Serbow nowšich časow. Ale ty tež wo najwjetšim asimilaciskim projekće Merkeloweje, zelenych a lěwych (Refugees Welcome) a aktualnych podawkach w Kölnje njerěčiš. Ně za namóc a za ludźi, kiž namóc a njetolerancu podpěruja! By sej tajke něšto we Łužicy kaž w Kölnje přał? Wotnětka ma Ryćer moju połnu podpěru přećiwo importowanju kriminala a islamistow-teroristow do našeje rjaneje Łužicy.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: