Domaška wojowaše jeničce priwatnje přećiwo „auf uns hereinbrechende Flüchtlingswelle“

Mój Božo, knježe Domaška! Najprjedy škaraće jako předsyda zarjadniskeho zwjazka přećiwo azylowej politice křesćanskodemokratiskeje kanclerki a sće ze skupinu wjesnjanostow zjawny (!) list naparał. Tón list, kiž bu w Sakskich Nowinach wozjewjeny, sće do Berlinskeho kanclerskeho zarjada pósłał. Potom sće so ze swojimi sobuwojowarjemi na přeprošenje adresata do němskeje stolicy podał a tamle za zawrjenymi durjemi něšto dorěčał.

Što, njesmědźachmy na zjawnej zhromadźiznje zarjadniskeho zwjazka Při Klóšterskej wodźe zhonić. Wšako sće – tak čitachmy dźens w Serbskich Nowinach – na tym wobstał, zo běšće w centrumje němskeho knježerstwa jako priwatna (!) wosoba. Jeli bychu radźićeljo jemu najebać to, zo je so wón w Berlinje k tajnosći rozmołwy zawjazał, k zjawnemu rozprawnistwu nuzować chcyli, bychu jeho wotwolić dyrbjeli, wón praješe. Derje by było, bychu woni to činili.

Dźak wšěm zastupjerjam w gremiju, kotřiž su Domašku za jeho njezamołwite postupowanje kritizowali. Porno křesćanskemu humanizmej je wón na populistiske wašnje njeměr šěrił a ressentimenty přećiwo ćěkancam spěchował, prjedy hač je so prěni azylant na zemi zarjadniskeho zwjazka zadomił. A nětkole chce wón jenož hišće priwatnik być – potajkim je wón zjawne zastojnstwo za swój hobby znjewužiwał. Kak chceš to komentować?

Potajkim runja wjesnjanosće Ryćerjej z Bóšic pad za „Dienstaufsichtsbeschwerde“. Ale hižo lóšt nimam, so z tajkim njeduchom nasadźować. Wohańbjaca primitiwnosć to je. Wbohi lud, kiž je wot tajkich ludźi „reprezentowany“. Nó haj, Bóh je sej něšto při tym myslił, tajke něšto připušćeć. To je naš křiž, kotryž mamy znjesć. Knjez Domaška je demokratisce woleny, a tohodla smy sej jeho skutkowanje wočiwdnje zasłužili. Amen.

To bě zjawny list:

http://www.epochtimes.de/politik/deutschland/offene-grundsatzerklaerung-48-buergermeister-kreis-bautzen-fordern-von-merkel-kehrtwende-in-asylpolitik-a1282798.html

Zo to wšo tež hinak dźe, widźimy tule:

Ćěkancaj na kubłanskich dnjach serbskokatolskich młodostnych w Worklečanskim Dona Boskowym domje: http://p2.posol.de/extern_de_galery01_ML29057103040BFSL.htm

Eine Antwort to “Domaška wojowaše jeničce priwatnje přećiwo „auf uns hereinbrechende Flüchtlingswelle“”

  1. Zejicanski Says:

    Tak to je, hdyz spytas za tak mjenowany stammtisch wulku politiku cinic 😊

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: