Němscy ekstremisća wohrožuja serbski nałožk – zakitujmy swinjorězanje!

Militantni wojowarjo za prawa zwěrjatow su w zdżělence swinjorězanje na Njepilec statoku w Rownom atakowali a serbske towarstwo k wužiwanju kołbasow bjez mjasa namołwjeli. Organizacija PETA chce za prěni tajki „veggie“-swjedźeń 500 pseudokołbasow darić.

Čłowjek je – kaž jeho zuby dopokazuja – wšožračk. Kak so žiwjenje bjez mjasnych jědźow na mozy wuskutkuje, je potajkim wotewrjenje. Porno muslimskim ludźom, kotřiž mojemu konsumej swinjaceho mjasa woměrje přihladuja, su tući veggie-ekstremisća wobćežni.

Wuprajam so nětko hižo zwólniwy, Rowniske swinjorězanje po potrjebje wosobinsce sobu zakitować. Jeli by trjeba było, bych syriske zesylnjenje za serbsku barikadu přiwjezł. Rowno je wšudźe – okcident njesmě so na hrački stajeć! 🙂 A po dobyću popřejemy sej – prampany kał.

http://www.sz-online.de/nachrichten/schlachtplatte-mit-ohne-fleisch-3298476.html

http://www.peta.de/15-schlachtfest-in-rohne-peta-spendiert-500-vegane-wuerstchen-bei#.VqDXXhuFMqQ

16 Antworten to “Němscy ekstremisća wohrožuja serbski nałožk – zakitujmy swinjorězanje!”

  1. filozof Says:

    Piwarco, tutón tekst je wjeršk twojeho zadwělowanja. Ty wojuješ. Ty wojuješ za twojich ćěkancow, kiž nichtó w twojej wokolinje bohužel njepřipóznawa.

    Njedawno pisaše, zo njeje swinjace mjaso dźěl serbskeje tradicionelneje kuchnje. Nětko pak pisaš, kak rady swinjace mjaso jěš a kak rady muslimojo twojemu konsumej swinjaceho mjasa přihladuja. Jich toleranca ma hranicy. Tak dołho kaž muslimojo w Němskej žanu móc nimaja, budu ći woni jenož přihladować.

    „Ammar: Eine Frau darf natürlich nur mit ihrem Ehemann schlafen. In Europa haben die jungen Frauen teilweise ja schon mit 15 Sex. Das verstößt gegen unsere Regeln.“ Na dźiće mi tola preč, hdyž płaći „Das verstößt gegen unsere Regeln“

    Hlej: http://www.zeit.de/gesellschaft/zeitgeschehen/2016-01/fluechtlinge-arabische-maenner-frauen-gleichberechtigung-koeln

    P.S. Njewěm, kak budu twoji veggie-přećeljo z Kamjentneho domu reagować, hdyž tutón tekst čitaja, dokelž su runje ći kaž Nyča a Richter veggie-a-„Refugees welcome“ přiwisnicy. Runje tući ludźo poziciju Merkel a lěwicy zakituja.

  2. Měrćin Says:

    Wot hdy da je swinjorězanje serbski nałožk? A čohodla dyrbi tute rězanje hnydom swjedźeń (ab)schlachtfest być?

  3. Hanso Says:

    Hesło towarstwa Njepilic dwora rěka ”Tak to jo bylo”. Wažny nadawk je tež stare tradicije pěstować. Něhdy běše swinjorězanje dźěl serbskeho žiwjenja w serbskich wsach wokoło Slepeho. Njerozumju rozhorjenje „veggie“-organizacije PETA. Swinjo běše hižo mortwe. Kóždy ma swoj słód. Kołbasa bjez mjasa, słodźi to?

  4. filozof Says:

    Hórje hač w socializmje: http://www.focus.de/kultur/medien/uebergrueffe-in-koeln-wdr-journalistin-klagt-an-wir-sind-angewiesen-pro-regierung-zu-berichten_id_5218836.html
    A ty Piwarco, k tutomu wopačnemu rozprawjenju přinošuješ.

  5. filozof Says:

    Změja-li muslimojo w Němskej móc, to žane swinjorězanje hižo njebudźe. PETA budźe zakazana.
    K tomu mam rozprawu něhdyšeje Refugees-Wellcome-přiwisnicy za was: http://www.focus.de/politik/alarmierender-bericht-aus-hamburger-erstaufnahmestelle-fluechtlingshelferin-verzweifelt-ich-halte-es-dort-nicht-mehr-aus_id_5219964.html
    Dobru nóc, Němska.

  6. piwarc Says:

    Nó haj, štó sej mysli, zo je dźěło w masowej prěnjej přijimarni „Traumjob“, njeje za mnje so hodźacy swědk. To je znaty princip: wot jednoho ekstrema do druheho …

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: