„We don´t need no education“ – w Serbskim rozhłosu! Na mojej šuli bě to hišće zakazane

„We don’t need no education“ – najprjedy myslach, zo je w našim radiju wopačny sćelak nastajeny. Ale ně, woprawdźe Serbski rozhłós! A potom hišće wuprajenje Bena Bělka, zo so tónle spěw skupiny Pink Floyd tola jara derje k tuchwilnym prózdninam hodźi.

Při tutej składnosći sym nětkole zwěsćił, zo je pater Wilhelm Neuhoff SJ hišće žiwy:

http://extern.peoplecheck.de/link.php?q=wilhelm+neuhoff&url=http%3A%2F%2Fwww.jesuitensenioren-koeln.de%2F

Wón běše naš najkrućiši jezuit na šuli, wučer za nabožinu a matematiku. Nazapomnita wona wučbna hodźina, kotruž je wón z hesłom „lüsterne Augen sind dem Herrn ein Gräuel“ započał. Abo najzabawniša afera šule, kak je wón w najhorycšim lěću połnaheho sportowaceho popołdnju na šulskim dworje, hdźež pater Neuhoff wšědny dźeń z brewěrom w ruce chodźeše, nuzował, spódnju košlu woblec. So wě, zo wojowaše přećiwo dekadentnym šulskim fetam, hdźež hólcy piwo pija a so z holcami tołkaja.

Po seksualnej atace (němskeho!) pachoła na abatisu knježnow Sacre Coeur krótko do kónca fety našeho paralelneho gymnazija (za holcy, tehdom hišće njebě koedukacija přesadźena), z kotrymž so zhromadne fety za wšěch šulerjow / šulerkow wot 9. lětnika organizowachu, a nadběhach cuzych na „naše“ disko bě tradicija swjedźenjow wusadźeny, doniž njejsym jako woleny nowy šulski rěčnik zaso na „Ansgar-Fete“ přeprosył. A jako dohladowanskeho wučerja sym wězo najraznišeho kritikarja zapřijał, swojeho patra Neuhoffa…

Potom dyrbjach prěnju hodźinu z nim wosrjedź rumnosće w pincy / kantiny stejo wostać a najebać haru njepřestawajcy bjesadować, doniž njebě 280 kwardratnych metrow ze sydom stow ludźimi tak natykane, zo njeby wón z dohladowarskimi naprawami přewjele škody načinić móhł. Ale njejapcy zaklinči „We don’t need no education …“ a naš kedźbliwy pater hnydom dokładnje poska a po někotrych linkach teksta

http://www.songtexte.com/songtext/pink-floyd/education-23961423.html

měnješe, zo tajke něšto absolutnje njeńdźe: To je namołwa k amoraliskej anarchiji! Dyrbiš dalšemu wothrawanju hnydom zadźěwać. Woprawdźe je tekst wótra kritika na šulskim systemje: https://de.wikipedia.org/wiki/Another_Brick_in_the_Wall

Nó haj, sym z nim dołho dosć wo jeho poziciji disputował, doniž njejsym potom pozdatnje spytał, so ke diskjockeyjej předrěć, štož we wonej njepředstajomnej mjerwjeńcy wězo sčasom móžno njebě. 🙂

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: