Za wuměnu ze sejmikarjemi hač do wěčnosće? „Kompromisy“ – kotre prošu?

Rěčałoj stej Domowina a iniciatiwna skupina za serbski sejmik mjez sobu znajmjeńša poł ducenta razow. Na přikład na zjawnym forumje w Chrósćicach, hdźež rěčnik inicitiatiwy do směra jednaćela třěšneho zwjazka wołaše „Bjarnato, ty łžiš“ – wobwinowanje, kotrež so hišće samsny wječor dźakowano stejišću jurista Rühmanna jako wopačne wukopa. Wobsahowe jadro tutoho nadběha bě to, štož steji tež dźensa w srjedźišću rozestajenja, kotrež pospytujetej skupina a SN přeco zaso znowa z rowa stanyć dać: Je dweju modelow, zesylnjenje Domowiny jako bazowa a třěšna organzicija Serbow abo natwar zastupnistwa korporacije zjawneho prawa.

Na přikład w Serbskim domje na zeńdźenju lobby-wuběrka zwjazkoweho předsydstwa (ZP) a iniciatiwneje skupiny, na kotrymž bě předsyda Domowiny aktiwnje wobdźěleny. Dwójce bě předsyda lobby-wuběrka na zetkanjomaj iniciatiwy w Njebjelčicach. Zastupjerjej skupiny stej posedźenje ZP w Hamorje wopytałoj, a je podźišo samo k oficielnej wuměnje prašenjow a wotmołwow dóšło. ZP so tutej tematice w tuchwilnej wólbnej periodźe wjac hač tři razy wěnowaše (sym přestał, sobu ličić). Kóžda komunikacija wězo so něhdy na horjeka mjenowanym dypku kónči: Jedni – mjez druhim hłowna zhromadźizna Domowiny – su za tón model, druzy za tamny. Tajki tak mjenowany diskurs, kotryž sej iniciatiwna skupina někak dźesać razow kóžde lěto žada, móžemy hač do wěčnosće wospjetować, ale sprawnje prajene sym sej zbóžnu wěčnosć hinak předstajił.

To najnowše je nětkole žadanje z erta předsydy załožboweje rady, zo móhli tola někak wšitcy hromadźe ke „kompromisam“ přińć. Wón ma drje prawje, zo wo to njeńdźe, štó dobudźe, wšako stej Domowina a skupina w cyle hinašimaj sferomaj žiwej. Hdyž pak praktisce wo to dźe, „wobstejacym strukturam šěršu legitimaciju spožčić“, na koho mamy potom poskać? Sym přiwisnik zawjedźenja prawólbow hladajo na zastojnstwo předsydy Domowiny, ale wulka wjetšina w třěšnym zwjazku organizowanych serbskich towarstwow je so přećiwo tomu wuprajiła. Maja naše towarstwa, w kotrychž su žiwe stołpy serbskeju kultury a rěče nahromadźene, mjenje legitimacije hač horstka njespokojnych muži?

Njejsym pak fan komunikaciskeho modela, kiž woznamjenja: Hdyž mi něchtó dołho dosć na čuwy dźe, jemu prawje dam, zo bych skónčnje swój měr měł. To ani Merkel ze Seehoferom nječini, kiž nětkole hižo měsacy dołho přećiwo njej zjawnje amokuje. Jeho so stopnjowaca polemika „knjejstwo njeprawdy“ přećiwo křesćanskej azylowej politice dopomina mje na lěta trajacu eskalaciju woneje skupiny přećiwo pozdatnje pobrachowacej legitimaciji načasnych serbskich prócowarjow. Druhdy dyrbiš tajke wěcy prosće „wusydać“. Žiwjenje dźe dale, a je dosć wažnišich wužadanjow na swěće, kotrež dyrbimy wšědny dźeń mištrować – na přikład na polu kubłanja.

2 Antworten to “Za wuměnu ze sejmikarjemi hač do wěčnosće? „Kompromisy“ – kotre prošu?”

  1. Zejicanski Says:

    Haj. Tak je. Hinak to tez njewidzu.

  2. smejkotak Says:

    Ja sym z posmewkom diskusiju pod online-peticije skupiny cital. Tam je so tez kritisce preciwo sejmimowemu modelej argumentowalo. To bese jim potom najskerje pre wjele diskusije a nek su ju hasnyli. Tak wjele k wotewrjenej diskusiji. Jich kartowy dom je so jenoz w behu 5 prinoskow sypnyl.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: