Zapalerjam mjezy stajić

Woheń na třěše bywšeho Budyskeho hotela “Husarenhof”, kotryž bě a je jako dom za ćěkancow předwidźany, je pokazał: to njeje žadyn politiski diskurs! To je politiske zapalerstwo a ryzy hanjenje čłowjeskich zakładnych hódnotow našeje towaršnosće! Wohańbjace je tež zadźerženje někotrych přihladowarjow, kiž nimo toho čłonow wohnjowych woborow werbalnje atakěrowachu, jich dźěło poćežowachu a prawicarske parole rjejachu.

Naše krasne město njesmě być hrajkanišćo tajkich ludźi hanjacych njeskutkow. Bautzen/Budyšin je w tutej nocy zhubił čwak swojeje pisanosće a wotewrjenosće swětej! Dwěluju na tym, hač zo su sej skućićeljo toho wědomi, kak jara je so přez to nahladnosć našeje domizny wobškodźiła.

Je najwjetši čas, zo so tajkemu postupowanju ze šěrokim wuznaćom za demokratiju a tolerancu znapřećiwjamy. My smy za wotewrjenu towaršnosć a tolerancu napřećo druhim, kaž smy to tež na našej hłownej zhromadźiznje wobzamknyli. My chcemy, zo so ludźo – domoródni a ći, kiž su přićahnyli – pola nas wěsći čuja, zo so chutnje bjeru a akceptuja. Njespokojnosć a přiběraca zwólniwosć jednotliwcow k namocy njesmětej k tomu wjesć, zo so ludźo stuleja abo wróćo sćahnu. Nawopak: hač politikarjo, zastupjerjo komunow, wobydlerjo, dźěłaćerjo, bjezdźěłni, ćěkańcy abo šulerjo – my měli tutu situaciju jako wužadanje přiwzać a zhromadnje postupować.

Kóždy móže šerpatku k tomu přinošować nastaty črjopjenc zrumować.

Dawid Statnik, předsyda Domowiny

 

Danko Handrik wo tuchwilnym Budyšinje:

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: