Žohnowane jutry – wšěm ludźom! Přemyslowanje wo poskitku integracije we wsy

Křižerjo přinjesu poselstwo zrowastanjeneho do našich wsow. K njemu tež słuša, zo njeje nichtó wuzamknjeny z poskitka mjezsobneho čłowjeskeho wobchada, kiž je hidu a wotpokazanje na wěčne přewinył.

Je mi žel tych „Němcow“, kotřiž čuja so we Worklecach jako domoródni wustorčeni, přetož serbsce njerěča a přemało rozumja – po lětdźesatkach we wsy a njedźiwajcy zdźěla serbskeho pochada resp. wučby serbšćiny na šuli:

http://www.sz-online.de/abo/sz-exklusiv?u=http%3a%2f%2fwww.sz-online.de%2fnachrichten%2ffremd-im-eigenen-ort-3356567.htm

(Čitać smědźa tež njeabonenća, jeli su zwólniwi za přiwzaće poskitka testowanja SZ za wěsty čas a płaćenje 99 centow (!) na kóncu – w tutym zmysle podpěrujće Kamjenske wudaće Sakskich Nowin. Trjebamy lokalne nowiny za towaršnostne diskusije.)

Woni čuja so kaž „wukrajnicy“, dokelž je chronist wo stawiznach serbsce přednošował a njejsu so pozdatnje ludźo při swjedźenjach za jich blido sydnyli, dokelž nochcychu němcować. Nó haj, wukrajnicy maja němčinu nawuknyć – to słuša k integraciji. A čehodla dyrbju sej kóždy přinošk w zjawnym rumje dwójce (dwurěčnje) naposkać, dokelž njejsu ludźo tež po dołhim času zwólniwi byli, so rěčnje integrować?

Klučowy problem pak je: Woni sami praja, zo je za Serbow wažne, swoju maćeršćinu pěstować, ale prošu nic, hdyž je Němc přitomny. Kak ma to hić dźensniši dźeń – w „měšanych“ poměrach? A hdźe mamy składnosć za serbowanje wšědny dźeń w zjawnym rumje, jeli nic na wjesnych zarjadowanjach?

To je kaž jutry. Kóždy dóstawa poskitk. Nichtó njeje nuzowany přiwzać. Ale hdyž poskitk njewužiwaš, ma to sćěhi za twoje žiwjenje. Kóžde sydlišćo na swěće twori swójski miljej. Maš w našim kraju swobodu bydlić, hdźež tebi so chce. Ale nimaš prawo, miljejej swoje prawidła nanuzować. Ani we Worklecach ani w Kreuzbergu, wšojedne, kak dołho tamle jako „mjeńšina“ bydliš…

Po tym zo sym syrisko-kurdiskeju hólcow za kopańcu w Chrósćicach přizjewił, smy – so złožujo za to, štož su jeju sobuhrajerjo w hrě wšo wołali – něšto serbskich koparskich rěčnych wobrotow wukli. To bě jimaj cyle saomozrozumliwje, zo dyrbitaj to rozumić. Tež to je kaž jutry z křižerjemi: Pak chceš prosće přihladować pak chceš znajmjeńša duchownje podźěl brać – za to dyrbiš něšto činić.

2 Antworten to “Žohnowane jutry – wšěm ludźom! Přemyslowanje wo poskitku integracije we wsy”

  1. kawka Says:

    Moje prašenje na tej swójbje: Kak wjele zarjadowanjow maš powšitkownje w němskej a kak wjele w serbskej rěči? Čehodla měło so wšo stajnje přełožować jenož, zo njebychu so tajcy zranjeni čuli?

  2. Alojs Says:

    Nó haj. Artikl SZ je jara słaby. Tam njesteji ani ničo k temu zo je CDU dwurěčnje přeprošała, ani kajkeho razu „Nadelstiche“ běchu a tež měnenje referanta abo zarjadowarjow so njejewja. Ale na woběmaj bokomaj so nětko wšitcy rjenje puzola.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: