Genscher a Serbja

Sławny němsko-němski politikar Hans-Dietrich Genscher je zańdźeny pjatk 89 lět stary zemrěł.

Cyle wěsće je so čłon FDP za swoje 23 lět dołhe skutkowanje jako minister, najprjedy jako nutřowkny- a potom wonkowny minister, wosebite městno w stawiznopisu kónc 20. lětstotka zasłužił.

Tež hdyž wostanje jeho najznaćiša sada w hamtće njedókónčena sada, kotruž je wón na balkonje Němskeho wulkopósłanstwa w Praze dnja 30. sept. 1989 prajił “Wir sind gekommen, um Ihnen mitzuteilen, dass heute Ihre Ausreise…” Po 13 legendarnych słowach běše juskanje na zahrodźe z wulkej nadźiju čakacych wulke a sćěhi tuteje informacije su dosć derje znate.

Zasłužby H.-D. Genschera při zjednoćenju wobeju němskeju statow su wulke, hižo tohodla, dokelž je z Halle pochadźał, tak jemu wobstejnosće w NDR njeběchu cuze. Na kóncu swojeho wužadowaceho politiskeho dźěła so mjez ludami Južnosłowjanskeje konflikty přiběrachu. Němske knježerstwo je (křešćansku) Chorwatsku a Słowjensku hody 1991 připóznało a z tym – kaž čas dopokaza – so konflikty w krajach po cyłej Južnosłowanskej přiwótřichu a zdźěla traja…

Přiwšěm słuša “Genschman” w swojim žołtym pulundru do generacije zasłužbnych a wěryhódnych politikarjow, kotryž je rady tež puć k ludej pytał a wěsće namakał.

To smy tež my mała Domowinska delegacija – z předsydu Janom Nukom – na swjedźenskim zarjadowanju 30. septembra 2009, składnostnje 25. róčnicy tohole podawka w Lobkowiczowym paleju, w Němskim wulkopósłanstwje dožiwili. Jako so předstajichmoj minister Genscher chwilku přemyslowaše a so prašeše “Und sind Sie denn mit Ihrer Stiftung zufrieden, nützt sie Ihnen?” To njejsmoj wočakowałoj…

Tež na swjedźenskim zarjadowanju před lětomaj je so H.-D. Genscher hišće wobdźělił, skrótka.

Jurij Łušćanski

Genscher_Serbaj

Nuk, Genscher, Łušćanski 2009

 

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: