Marko Suchy – Jan Budar

Runja předchadnikej Markej Suchemu tež Jan Budar do swojeho zastojnstwa jako załožbowy direktor powołansce a po mentaliće klasiski zarjadniski typ njeběše. To je najprjedy wulki plus, wšako je w małym a ćim pisanišim serbskim swěće runje w tajkej zamołwitej funkciji wažne, k njekonwencionelnym rozrisanjam dońć.

Zo slěduje softeware-wuwićer diplomoweho-inženjera za elektrotechniku, twori zajimawu tradiciju technisko-pragmatiskeho myslenja na čole serbskeje załožby. Porno druhim sym měnjenja, zo maja jurisća a zarjadnicy z pomocnikami politiskeje wole być a nic nawopak (so wě, zo je tež dobrych politiskich juristow!). W nawjedowacym zastojnstwje dźe wo filozifiju – po kotrej wěrnosći so směrnicy jednanja postajeja?

Štož komunikaciju nastupa, so zdawa jeju stil dźeń a nóc być. Tule přećelnje a łahodnje moderěrowacy Budar, tamle pozdatnje zdźěla hejaty Suchy, hdys a hdys snadź samo kusk lubwólnje skutkowacy. Tón rozdźěl pak njeje prěnjotnje wuraz rozdźělneje powahi, ale přisłušnosće wšelakorymaj generacijomaj.

Suchy měješe rozsudy přesadźeć w kruhu „kralow měrniweje rewolucije“, kotřiž su – so złožujo na swoje zasłužby 1989/90 – wot toho wuchadźeli, zo maja na wšě časy wosebitu moralisku awtoritu (po mustrje: „njejsmy tehdom za lud na dróhu šli, z byšće nětko tak přećiwo ludej jednali“). Z toho wurosće – připóznata – hejatosć, kotrejž sy jeničce ze swójskej hejatosću zrosćeny. Nimo toho bě Suchy tohorunja rewolucionar.

To njeje zlě měnjene: W zapadźe běchmy z 68nikami konfrontawani byli, kotřiž su přeco wšo lěpje wědźeli, wšako su woni zwjazkowu republiku towaršnostnje, seksualnje a što ja wěm wuswobodźili. A kóždy wot nich měješe wězo swoje małe rjekowske spjećowanske stawiznički. Ja pak słušam k ludźom mjezygeneracije, kotřiž maja na jednym boku respekt před wěstymi wukonami 68nikow a na druhim boku praja: Swoboda je dobra wěcka, ale něštožkuli bě přehnate.

Budar je rowjenk wuchodneje mjezygeneracije, kotraž je w młodych lětach hišće kusk NDR live dožiwiła, ale swoje kubłanje hižo pod nowymi wuměnjenjemi zdokonjała. Hač móže so wón jónu jako załožbowy direktor na wuměnk podać, dźensa hižo tohodla nichtó prajić njemóže, přetož njewěmy, kelko přichoda załožba změje.

Wón sam piše, zo su je zajimy „za hłowu technologiske wuwića, webdevelpoment, z brjucha serbske perspektiwy, za wutrobu běhanje, dźiwadło, filmy.“

http://stiftung.sorben.com/usf/Lebenslauf%20Jan%20Budar.pdf

Njech njedóstanje přewjele brjušebolenja. Haj, serbskosć njesmě w prěnim rjedźe wěcka wulkeho administratiwneho plana być, ale intuitiwneho wšědneho dnja. To je tež Marko Suchy přeco tak widźał. W tutym zmysle tohorunja jeho naslědnik jenož „powołanski Serb“ njeje, ale Serb z ćěłom a dušu. A hdyž wón potom přinjese hrajerski duch software- tworićela do wuwiwanja serbskich instutucijow, wočakuja nas woprawdźe zajimawe serbske perspektiwy.

Dźensa w Serbskim rozhłosu:

http://www.mdr.de/serbski-program/rozhlos/verteilseite1612.html

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: