#Boehmermann #Erdogan #angelamerkel

Předstajće sej: W Pančicach-Kukowje by něchtó na zjawnym zarjadowanju připowědźił, zo chce nětko wo sakskim ministerskim prezidenće něšto prajić, štož je zakonsce zakazane, zo by wón na tute wašnje pokazał: To njesměš w Němskej wozjewić! A potom by wón – w žortnym dialogu z druhim – před wšěmi ludźimi „hanjacu baseń“ přednošował. Publikum by so při tym zdźěla wošćěrał, „basnik“, hdys a hdys so sam směkotajo, by ludźi žortnje na to skedźbnił, zo je to tola zakazane. A wot toho časa steji „hanjaca baseń“ přistupna w interneće, z jednym kliknjenčkom docpějomna. Kóždemu je jasne, zo by to pad za justicu był.

Tak dožiwjamy to w aferje #Boehmermann #Erdogan . Štóž zapoda mjeno satirikarja ZDF a němsce „baseń“, móže sej na Youtube hnydom dwě warianće wobhladować a naposkać: jeničce to hanjenje abo „baseń“ plus něšto słowow w horjeka mjenowanym zmysle do toho a po tym. Turkowski načolny politikar ma we wonej „basni“ oralny splažny wobchad z kozami, je homoseksualny konsument pornografiskich filmow z dźěćimi atd. Knjez Erdogan je připowědźił, zo nochce sej to lubić dać – z efektom, zo mamy nětkole w Němskej hibanje „swobodu za Böhmermanna“, a nawjedowacy žurnalist Axela Springeroweho nakładnistwa so z nim solidarizuje kaž wjele dalšich mjenje abo bóle wažnych prominentnych a njeprominentnych ludźi.

Zwjazkowa kanclerka je wčera statnemu rěčnistwu dowoliła, wuslědźić, hač chłostajomny skutk předleži, zo by móhło w padźe Böhmermann / Erdogan sudnistwo njewotwisnje rozsudźić, kaž je w prawniskim staće z wašnjom (porno Turkowskej), a nic politika. To je prawje tak, prawje je tež jeje připowědź, zo chce so wo wjetšinu za změnu paragrafa zasadźeć, zo dyrbi knježerstwo w padźe potrjecheneho statnika druheho kraja jednanja justicy zmóžnjeć, wšako njech to prawnistwo tež w tajkim padźe samostatnje čini kaž pola Hynca a Kunca. Štož mje pak dźiwa, zo chcychu ministrojo SPD tutomu jednanju zadźěwać.

Dyrbjało knježerstwo wo tym rozsudźić, hač smě knjez Böhmernmann knjeza Erdogana w swětowej zjawnosći „pjezaka kozow“ atd. mjenować abo nic? Wotpokazanje zmócnjenja prawnistwa – to by wčerawša alternatiwa Merkelec kabinata była – by awtomatisce faktisce rěkało: Wón smě, přetož statne rěčnistwo njeby potom jednać směło. So wě, zo njeje Erdogan porno Tilichej dušny čłowjek, ale prašenje prawniskeho škita njeje naležnosć wosobinskeje sympatije. Sadźmy so, kak jednanje za Böhmermanna wuńdźe? Žadyn proces před sudnistwom, jeli je wón zwólniwy, pjenježnu pokutu płaćić. Snadź na dobro kurdiskeje pěstowarnje w Turkowskej…

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: