Vattenfall kaž NDRski kombinat „předaty“ – wěste je, zo wjele wěste njeje

Brunicowe jame a milinarnje we Łužicy budu w čěskich rukach. Z koncernom EPH wočakuje nas znate předewzaće susodneho kraja, kotrež je pola nas dawno hižo w brunicowym rewěrje doma (Mibrag). Maja sobudźěłaćerjo Vattenfalla a wobydlerjo wot hórnistwa potrjechenych kónčin nětkole wěstotu?

Haj, hdyž jeničce wo to dźe, zo z brunicowej industriju we Łužicy někak hišće – lětdźesatkaj? – dale póńdźe. Zo njeje nowy wobsedźer pak wočiwidnje ničo za swoje nowe wobysdstwo płaćić dyrbjał, nawopak, zo je srědki wot „předawarja“ dóstał, nas na wobchadźenje z NDRskimi kombinatami spočatk 90-lět dopomina. A što je wot tych wšěch něhdyšich „ludowych zawodow“ wyše wostało, wěmy: Mało.

Tohodla tohorunja: Ně. Šwedski statny zawod je z wotbyćom brunicoweje sparty swoju bilancu wustorkowanja wuhlikoweho dioksida wotpowědujo přećam tamnišeho zakonjedawarja „wurjedźił“: Čěskej politice njeje škit klimy tajka wažna wěcka, tohodla móžachu Češa zanjerodźenje atmosfery do swojich bilancow přewzać. Ale z kotrymi naprawami woni na to reaguja, zo su zawod přewzali, z kotrymž maš so zadołžić, jeli jeničce tak dale činiš kaž Vattenfall, to njewěmy.

Ći bohaći w susodnym kraju, kotřiž su pjenjezy za tónle hoberski inwestment-projekt k dispoziciji stajili, z wěstosću wotpohlad nimaja, prosće swój kapital „spalić“. To budu tež sakskemu hospodarskemu ministrej Duligej zdźěleć, kiž chce nětko jednać, po tym zo je so Sakska z cyłeho předawanskeho procesa won dźeržała.

http://www.mdr.de/serbski-program/rozhlos/powesce/powesce-172.html#sprung0

http://www.spiegel.de/wirtschaft/unternehmen/vattenfall-verkauft-braunkohle-geschaeft-an-tschechische-eph-a-1086286.html

 

 

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: