1937 – 2016 : Bjez nich njebychmy byli / Přirunujo z nimi smy mjechkowcy

Lěto 1937 běše bjez dwěla jedne z najhrózbnišich lět w serbskich stawiznach. Zakaz wužiwanja serbšćiny w zjawnosći a serbskich institucijow. Němcowstwo bě pod režiju nacistow ze systematiskim wutupjenjom Serbstwa zaběrane. Zo njeje k tomu dóšło, je zasłužba zmužitych Serbow, kotřiž wěnowachu so njepowalnje njedźiwajcy najhubjeńšich ramikowych wuměnjenjow hajenju serbskeju rěče a kultury.

Wosebje jimacy dokument je časopis Maćicy Serbskeje z lěta 1937. Hač njeby ničo było, je tamle na třoch stronach rozprawa rěčespytneho wotrjada towarstwa wozjewjena. Podał je ju Marko Smoleŕ. Tamle so prezentuje wuslědk poradźowanjow praktiskeho razu: Ludźo so napominaja, prošu wšelake rěčne zmylki přewinyć a porjadnje po mjenowanych přikładach serbować. Najprjedy zhonja mjez druhim, zo ma so wěcownik „knjez“ w nominatiwje plurala „knježa“ deklinować.

Dale zhonimy: „Das Begehen der Wiese ist verboten njesmě so přełožić: khodźenje po łucy je zakazane, ale po łucy khodźić je zakazane.“ Zo su někotre poručenja dźensa hladajo na prawopis etc. zaso zastarske, je wšojedne. Rěč je organizm a jenož tohodla dźensa žiwa, dokelž běše tež tehdom – w hinašej formje – něšto aktiwnje wužiwane. Bjez prócowarjow 1937 njebychmy 2016 byli. Přirunujo z nimi smy mjechkowcy.

A w němskim zjimanju na kóncu časopisa so rěči wo „heute in der sorbischen Lausitz“. W lěće 1937! A dźensa pod – přirunujo z wonym časom – najlěpšimi wuměnjenjemi samo w serbskich medijach hustodosć jenož hišće wo „dwurěčnych“ gmejnach a wosadach piše, nic wo serbskich. Lózy ludźo bychu prajić móhli: Nam so přederje wjedźe. Tohodla dekadenca pokročuje. Wězo njesměš to ani pisać ani myslić. 🙂

https://hsb.wikipedia.org/wiki/Ota_Wi%C4%87az

serbsce_1937

Eine Antwort to “1937 – 2016 : Bjez nich njebychmy byli / Přirunujo z nimi smy mjechkowcy”

  1. dušepastyŕ Says:

    Haj, a Ota Wićaz bě tež jen zmužity Serb, kotryž je w samsnym času w Předźenaku nacijam pjaty lizał a přećiwo Židam šćuwał.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: