Šarija w Zhorjelcu?

Štóž je so runja čěskemu prezidentej bojał, zo přinjesu ćěkancy šariju do Europy, je po wěcownym a přećelnym informaciskim zarjadowanju Ahmadiyya-muslimow w Zhorjelcu mudriši: W měsće nad Nysu njesměš na ławce sedźo alkohol pić. Tón zakaz konsumowanja alkoholiskich napojow w zjawnosći rěka, zo w tutym nastupanju šarija – muslimske prawo – hižo płaći, kotraž sej tajke něšto tež žada.

Tuta konkluzija přiwisnikow Ahmadiyya-zjednoćenstwa je so tež do dźensnišeje rozprawy Sakskich Nowin přiwzała. Fakt je, zo wobkedźbujemy w našich kónčinach hižo lětdźesatki dołho trend ke krućišemu porjadej w zjawnym rumje. W poslednich lětach w městach připrawjene sydła su tajke njepřijomne, zo nochce lědma štó tam dlěje sydać. So wě, zo směš tež w Zhorjelcu pod hołym njebjom wosrjedź města při dobrym ćopłym wjedrje wot dopołdnja hač do pózdnjeho wječora alkohol pić: na stólcach hosćencow.

W času hodownych wikow komunalni knježa w Zhorjelskej radnicy zakaz, alkohol w zjawnosći pić, zběhaja, wšako chcedźa wikowarjo horce wino předawać a kupcy swoju słódku drogu snadź na někajkej bliskej ławce kokajo wupić. Zadźěwanje pobytkej ludźi bjez wužitka pak słuša k akceptowanemu towaršnostnemu programej, přetož nochcemy wobćežnych pičkow w parku abo na naměstach měć.

http://www.sz-online.de/nachrichten/zeman-fluechtlinge-bringen-scharia-nach-europa-3226083.html

https://de.wikipedia.org/wiki/Ahmadiyya

https://de.wikipedia.org/wiki/Scharia

 

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: