Serbski science-fiction: Žiwjenje 2040 – kćějace krajiny Serbstwa we Łužicy? SN, prošu pomhajće!

W dźensnišich Sakskich Nowinach – jenož abonentam přistupne – so započina Science-Fiction-serija „Sakska 2040“. Sine Mardini, w Freitalu 2015 rodźena dźowka syriskeju staršeju a mjeztym studowana juristka, rěči jako muslimska žona w rubišku na hłowje w sakskim krajnym sejmje – jako zapósłanča CDU.

http://www.sz-online.de/abo/sz-exklusiv?u=http%3a%2f%2fwww.sz-online.de%2fnachrichten%2fkultur%2fwir-sachsen-haben-verstanden-3380783.html

Tule so problem načasnych science-fiction-pospytow pokazuje: Wone poprawom hižo njefunguja. W konkretnym padźe: Je hižo muslimskeje zapósłanče CDU, samo zwjazkoweho sejma:

https://www.bundestag.de/dokumente/textarchiv/2014/49964240_kw13_wege_politik_giousouf/216426

Bjez rubiška na hłowje. Tohodla njewěm, kotry postup widźi awtor SZ w nošerce rubiška na jewišću parlamenta, kotraž z wonym čwakom płatu wuraz nabožiny praktikuje a zdobom praji, zo dyrbi so islam z politiki won dźeržeć. To pak zawěsće na tym zaleži, zo njejsym přiwisnik socialneho kiča, ani w literaturje ani w rubrice science-fiction.

Njedźiwajcy toho je 2040 hižo dawno přez diskusiju wo přichodźe brunicy tajka magiska lětoličba w našim regionje. Hdyž budu hišće tule přitomny, budu pjeć lět młódši hač mój nan dźensa. A mojedla móže potom młoda CDU-muslimka w dobje koalicije CDU/Lěwicy na krajnej a zwjazkowej runinje – to je dalša wizija w tutym nastawku – w Drježdźanskim krajnym sejmje prajić: „Es war weiß Gott und weiß Allah nicht leicht. Aber ich glaube, wir Sachsen haben endlich verstanden.“

W lěće 1990 je Helmut Kohl „kćějace krajiny“ we wuchodnej Němskej přilubił. Hač je nětkole mamy, je prašenje interpretacije a wotwisne wot toho, kotrym aspektam so wěnujemy: twarskej substancy městow abo demografiskej strukturje ludnosće. Prjedy su sej ludźo přemyslowali: Kak budźe lud žiwy w lěće 2000? Potajkim je najwjetši čas so prašeć: Kak budźe serbske žiwjenje 2040?

Ja science-fiction njemóžu. Ale snadź móža Serbske Nowiny po přikładźe Sakskich Nowin wotpowědnu seriju „Serbstwo 2040“ kreěrować.

2040_wobraz

Eine Antwort to “Serbski science-fiction: Žiwjenje 2040 – kćějace krajiny Serbstwa we Łužicy? SN, prošu pomhajće!”

  1. Horjanski Says:

    Jeli SN po přikładźe SZ tajku seriju produkuja, potom njech pohladaja redaktorojo prošu kaž jich němscy kolegojo do nastawkow, kiž su snano jako pioněrojo pisali na temu „Kak budźemy w lěće 2000″ žiwi“! To jim dźěło wolóži a chwalba budźe jim wěsta!
    W pioněrskim času bě jasne, zo socializm po wšěm swěće dobudźe. Dźensa njebudźe tola tak ćežko, město toho IZMA druhi IZM do pioměrskich předłohow přewzać.A čitarjo zwěsća, zo agitprop wostanje agitprop….. :-))

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: