Orientacija za ćěkancow – stasi, swoboda, Gauck / Što pak wědźa Němcy we Łužicy wo Serbach?

Wón změje štwórtk pruwowanje w orientaciskim wobłuku integraciskeho kursa. Na cedlkach je wjele wažnych słowow, kotrychž zmysł dyrbi sej spomjatkować, přemyslujo doma wuwjedźenja wučerki na Budyskej wokrjesnej ludowej wyšej šuli. „Kancler němskeje jednoty“, „wólby prěnjeho cyłoněmskeho zwjazkoweho sejma“ 2.12.1990, „póndźelne demonstracije“, „statna bjezstrašnosć“, „Berlinska murja“ 1961-1989, wobsadźenske cony po wójnje, a što prošu rěka „NSDAP“?

A k tomu wjele mjenow: Wot Helmut Kohla hač k Joachimej Gauckej. Při tym njesmě wón zabyć, zo je Magdeburg stolica Saksko-Anhaltskeje, a hdźe sedźi parlament Porynsko-Pfalcy? Derje, „republika“ woznamjenja demokratija, ale potom ma so „eksekutiwa“, „legislatiwa“ a justica rozeznawać. Cyle wothladajo wot prašenja, što je docyła nadawk tutoho knjeza Gaucka, kiž je – zwjazkowy prezident. Nětkole ma hišće nawuknyć, kotre pomjenowanje słuša k zastojnstwu knjenje Merkel, kotruž sej tak waži.

A čehodla su ludźo nazymu lěta 1989 prawidłownje demonstrujo na drohach běželi? „Za swobodu.“ Ze „stasi“ je to bóle komplikowane. „Kaž policija?“ – Ně, tajna słužba. Čušlerjo su statej skradźu rozprawjeli, štó přećiwo knježerstwu abo statej rěči. Tajki stražowanski aparat ma tola tež knjez Assad. Ah haj, rozumju. Naročny kubłanski program za hólcow bjez šulskeho wotchadneho wuswědčenja a bjez powołanskeho wukubłanja z arabskeho kraja.

To njech njeje jenož praktiske přispomnjenje k wšěm tym, kotřiž su sej minjene tydźenje w rozbudźenych telewizijnych debatach na wšěch kanalach hubu na ćěkancow drěli, kotřiž dyrbjeli skónčnje porjadnu orientaciju wo našich poměrach w Němskej dóstać. Runja rěči směmy tež hladajo na orientaciju so prašeć: Kelko orientacije dóstawaja poprawom Němcy wo Serbach, němscy migranća we Łužicy wo awtochtonym serbskim ludźe? Što wědźa přerězni zdźěłani (!) ludźo wo serbskich stawiznach?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: