Rozmołwa z ministerskim prezidentom Tilichom

NOWINSKA INFORMACIJA DOMOWINY

Rozmołwa z ministerskim prezidentom Tilichom

Dnja 17.05.2016 witaše ministerski prezident Swobodneho stata Sakskeje Stanisław Tilich zastupjerjow Serbow w statnej kencliji w Drježdźanach.

W hodźinskej rozmołwje narěča so mjez druhim přichod brunicoweje regiony w serbskim sydlenskim rumje kaž tež naćisk nowele sakskeho šulskeho zakonja. Domowina bě k noweli swoje stejišćo zapodała, kotrež so w šěrokej měrje wobkedźbowaše. Knježerstwowy naćisk zakonja předleži tuchwilu krajnemu sejmej.

Dale narěčachu dźěło mjeńšinoweho sekretariata a prócowanja wo připóznaće zakładneje papjery “Charta-rěče w Němskej – zhromadna zamołwitosć”.

Statnik po zetkanju: „Sakska je nam spušćomny partner za lěpšu podpěru serbskeho luda. Česću sebi dobre a wěcowne zhromadne dźěło. Tu njejedna so tu jenož wo spjelnjenje zakonjow, ale to je woprawdźe naležnosć našeho kraja. Za to moje připóznaće.”

Ze stron Domowiny wobdźělichu so předsyda Domowiny Dawid Statnik, městopředsydka Domowiny a wjednica mjeńšinoweho sekretariata Judith Wałdźic kaž tež jednaćel Domowiny a wiceprezident Federalistiskeje unije narodnych skupin Bjarnat Cyž. Zetkanje wotmě so w němskej a w serbskej rěči.

 

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: