Doba centralizowanja so nachila

Łuh měješe w NDRskim času swojeho hłownohamtskeho wjesnjanostu scomter małym gmejnskim zarjadom. Za třista wobydlejow. Naša susodka we wonej radnicy dźěłaše, k jeje winowatosćam słušeše, ludźom na wuměnku měsačnje rentu domoj nosyć. Do toho dyrbješe wona po hotowe pjenjezy do Njeswarskeje nalutowarnje jězdźić.

Dźensa słušamy z 18 druhimi wsami k gmejnje Njeswačidłu. A hdyž by po krajnej politiskej wyšnosći a někotrych ludźoch na komunalnej runinje sło, bychmy dawno z Rakecami zjednoćeni byli. Potom bych problem ze swojej adresu dóstał, přetož je tamle tohorunja Jědlowy puć. Tež fuzija mjez Radworjom a Wulkej Dubrawu je zwrěšćiła – w tutym padźe na spjećowanju Wulkodubrawskeje ludnosće.

Gmejny a wokrjesy su lěto a wjetše, štož je bliskosći ludźi k zarjadam, ale tež swojim susodam na škodu. Serbja su wot tutoho wopačneho trenda wosebje potrjecheni, wšako su přez bóle centralistiske zarjadniske struktury marginalizowani, wšojedne hač w Hornjej abo Delnjej Łužicy. Tohodla witam kóždy signal do napřećiwneho směra kaž nětkole z erta Braniborskeho ministra za financy.

Konserwatiwny slědźerski institut za hospodarstwo ifo w Drježdźanach je wuslědźił, zo so tak mjenowane wokrjesne reformy njedanja, ale zo su efektiwiće stata na škodu. Bohužel njeje jim to do sakskeje wokrjesneje reformy nutřpadyło, ale je jim hakle w zwisku z wotpowědnym politiskim projektom čerwjeno-čerwjeno-zeleneje koalicijie w Durinskej napadnyło.

Tole snadź tuchwilu zaso přewrót k decentralizowanju a mjeńšim zarjadniskim jednotam dožiwjamy. To by tež nam Serbam spomóžne było.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: