Wjeselu so na Wojerowske kónčiny!

Dźakuju so župje „Handrij Zejler“ Wojerecy za dowěru, mje jako kandidata za wólby noweho zwjazkoweho předsydstwa na přichodnej hłownej zhromadźiznje namjetować. Wid na polcu w našej Łuhowskej jědźerni pokazuje, zo sym na tónle wokomik hižo lěta dołho duchownje přihotowany 😊.

Budu tohodla nětkole swoje narodnopolitiske žiwjenske srjedźišćo do Wojerowskich kónčin přepołožować. Wjeselu so, zo změju z tym składnosć, na městnje kolebki třěšneho zwjazka narodnje sobu skutkować směć.

Snadź tež w Domowinskej skupinje Wojerecy – nowe město. Tamle na Budyskej Aleji bydli mój syrisko-kurdiski „syn“ Salman. Wón dźěła w awtolakěrarni (někotři so traš na přinošk wo nim w Sakskich Nowinach dopominaja 😉). Salman hraješe jedne lěto hromadźe z naju druhim kurdiskim „synom“ sewjernosyriskeho pochada, Iwanom, w mustwje SJ Chrósćicy II kopańcu. So wě, zo móže někak dwaj ducentaj serbskich rěčnych wobrotow.

Rady chodźu na serbsku bjesadu. Rjenje, zo namakach w Domowinskim zešiwku adresow dwaceći serbskich towarstwow a skupin tutoho regiona. Mje pak tohorunja njeorganizowani jednotliwcy zajimuja. Nad kóždym serbskim kontaktom so jara wjeselu. Móžeće mje dosćahnyć přez mejlku marcel@piwarc-hamburgski.de abo telefonisce resp. přez SMS abo WhatsApp 0171 / 89 83 985.

W lěću móžemy sej wězo rady do krasneje krajiny wulećeć, wšako sym wulki fan Łužiskeje jězoriny, kotrejež stolica Wojerecy mjeztym su. Moje dotalne dalše fawority: hoscenc „Tři lipy“ w Delnim Wujězdźe a Krabatowy młyn w Čornym Chołmcu. Liču z wjele dalšimi bajkojtymi blečkami. 😊

Mi so wosebje chce wšĕch wšudźe při pěstowanju žiweje a bohateje serbskeje rěče podpěrować. W tutym zmysle sym wćipny, hdźe móžemy so na serbsku bjesadu zetkawać.

2 Antworten to “Wjeselu so na Wojerowske kónčiny!”

  1. słowjanka Says:

    Aspekt: Budu tohodla nětkole swoje narodnopolitiske žiwjenske srjedźišćo do Wojerowskich kónčin přepołožować.
    Jowle měł so perfektiwny werb wužić: Přepołožu tohodla nětkole swoje narodnopolitiske žiwjenske srjedźišćo do Wojerowskich kónčin.
    Dokelž přepołožować je iteratiwny werb. Njewěrju, zo chceš wjace razow twoje srjedźišćo přepołožować a myslu sej, zo ličiš, zo budźe přepołožowanje wuspěšne. Hdyž je něšto wuspěšnje zdokonjene, da maš perfektiwny werb wužić. Potajkim: přepołožić.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: