Serbska agenda 2021

Faworit dźensnišeho wothłosowanja w zwjazkowej zhromadźiznje wo naslědniku knjeza Gaucka w zastojnstwje prezidenta Němskeje je jedyn z hłownych akterow Agendy 2010. Wona je k tomu wjedła, zo dóstawa na přikład čłowjek, kiž je po třiceći lětach dźěławosće w tworni njejapcy přestrukturowanja dla bjezdźěłny, za jedne lěto jenož měsačnu pjeježnu popdpěru na niwowje přijimarjow socialneje pomocy. Byrnjež lětdźesatki dołho pilnje swoje přinoški za socialny system płaćił, stat z nim wobchadźa, hač njeby ženje dźěłał.

Njech je knjez Steinmeier mĕrliwy diplomat a dobry mandźelski, kotryž je swojej žonje swój jěrcheń darił. Ale zo je dźensniši dźeń ludnosč dale a bóle njezměrnjowana a prawicarskopopulistiske hibanje lěto a sylniše, ma w Agendźe 2010 swoje korjenja. Tak mjenowani mali – domoródni – ludźo hustodosć skorža: Nam su woni socialnu wěstotu preč brali, ale za ćěkancow maja dosć srědkow.

Při kóždej dołhodobnej agendźe dyrbiš potajkim na dlěšodobnu skutkownosć myslić. To płaći tohorunja za kóždu serbsku agendu. Hladajo na přichodnu wólbnu periodu třěšneho zwjazka móhli sej tajke něšto kaž serbsku agendu 2021 předewzać. Runja titulej Křesćana Krawca dźe wo aktiwne wotmołwy na prašenje „što wot nas wostanje?“ Što ma so činić, zo budźe zapřichodna generacija serbować? Kotre ramikowe wuměnjenja młodym staršim k tomu dopomhaja, jónu serbske wnučki měć?

Tež w internetnej knize wobličow woni ludźi prawidłownje na wažne podawki žiwjenja dopominaja. Wšo maja swoje wuskutki na přitomnosć a přichod. Moja teza je: Towaršnostne wjerški kaž Europeada abo folklorny festiwal bóle k zdźerženju Serbstwa přinošuja hač někajke regule kubłanskeje politiki. Dokelž rěč, kotraž steji tola cyle horjeka na našej agendźe (znajmjeńša tute wuprajenje tuchwilu wšudźe słyšu a čitam), trjeba wjetši socialnokulturny cyłk, kotremuž so přez nałožowanje rěče přidružuješ. Tón cyłk pak dyrbiš hdys a hdys dožiwjeć móc.

Porno zwěrjeću chce čłowjek wostać. Samo hižo młodostny sej přeje, zo bychu dźensniše dźěći to, štož je wón w młodźinskim klubje natwarił, jónu dale wjedli. Agenda 2010 wjedźe k tradiciji „Hartz-IV-swójbow“, serbska agenda 2021 ma porno tomu aktiwnych priwilegować. Štóž so rěčnje a kulturnje gratu přima, steji w srjedźišću narodneje politiki. Přistup wjacorych młodźinskich klubow Domowinje minjene lěta je dobry znamjo.

To je rozdźěl w přirunowanju z myslenjom sejmikarjow. Tamle je ryzy wuznaće njewotwisnje wot aktiwneho Serbstwa zakład soburozsudźenja. Tajki alternatiwny puć pak do pasiwneje anonymity wjedźe. Ta serbskemu swětej njewotpowěduje. To je nětko mój najnowši přinošk k zjawnemu diskursej, kotryž sće sej w nowinach žadali 😊.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: