Žiwjenje w času gripy

Mój kolega je na gripu schorjeł. Tohodla dyrbjach přehladanje naćiska rozprawy wo spjelnjenju dźełowych smĕrnicow a dźěławosći zwjazkoweho předsydstwa a dalše wudźěłanje swojich namjetow za změny kusk přestorčić. Dokelž wodnjo hižo připódla kusk chwile za to nimam, hdyž sym samlutki w běrowje a mam wšo na starosći, štož so njedźiwajcy zymskeje parlamentariskeje přestawki na pisanskim blidźe nahromadźa. Ale hač do kónca tydźenja budu sčasom hotowy, Judith běše spĕšniša 😊.

Mój šef je so do krótkodowola rozžohnował. Znajmjeńša mam tuchwilu hustodosć towarša po puću do Drježdźan a na domojpuću do Łuha. Dokelž Nihad dyrbi přeco zaso do sakskeje stolicy, dźensa do šule a jobcentera – woboje znowa podarmo. Ale tón dušny, pomocliwy a wědy lačny hólc ma sćerpliwosć, kotraž mi pobrachuje 😉.

Łoskoćiwe prašenje: Smĕš w času gripy druhim ludźom ruku dać? Wšako ženje njewĕš, hač ma nĕchtó hižo we sebi infekt. Rozsudny je sylny imunotny system. Ja kontaktam njezadźěwam. Rano jako snědań wowsne tružki, brěcku z koncentrata žiwnych wutkow a něšto worjechow, tři króć na dźeń chlorella-algi, mało mjasa, jabłučko, mandariny a po wječeri kaž přeco jedne cigarilo. K tomu dosć tołstych drastow, dosć spara a hibanja. To dosaha – abo tež nic 😉. Budźemy widźeć.

Štož mi pak faluje, to je sawna, RAFAELO 😊!

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: