Němka w Piwarcec schowje

Dołho sej picu wužebriwši je dźiwja kóčka nětkole swój puć do našeje swójby dokónčiła. Zymu wonka přežiwiwši je sej wona to zasłužiła.

Što chceš z tajkej prachatej kóčku činić? K skótnemu lěkarjej hić, wědżo, zo budźe lěkowanje tuteje kóčki z wjetšej inwesticiju 😉. A tak to je.

Najprjedy dyrbja wački won, potom ma wona ranu wot kusnjenja a snadź hišće nutřkowne škody, wšako přeco kusk chabła. Hłucha je wona tak a tak.

A nĕma. Ani kuska njemjawči. Ale wótře baje, samo na blidźe skótneho lěkarja w Bórku, byrnjež dwójce sykawu dóstała.

Trojobarbne kóčki maja wosebje swojoraznu powahu, wón praješe. Tola najprjedy dyrbi so kóčka zhrabać, doniž charakter pokazać njemóže 😊.

Na moju namołwu w knize wobličow, nam při pytanju za kočim mjenom pomhać, je wjele dobrych namjetow dóšło. Smy so chětr za „Němku“ rozsudźili. Dźak mojemu – němskemu – koleze Jensej z Drježdźan.

Dyrbjachmy so z pomjenowanjom do spěcha měć. Hewak ta jenož na „psi“ poska, to jej naši kurdiscy hólcy praja – kurdiske słowo za kóčku. Ale Serba při tym na psa mysla 😎.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: