HŁOWNA ZHROMADŹIZNA DOMOWINY 25. NALĚTNIKA WE WOJERECACH

NOWINSKA INFORMACIJA
Přeprošenje na 18. hłownu a wólbnu zhromadźiznu Domowiny

Dnja 25. měrca w 9 hodź. zahaji so na žurli nalutowarnje we Wojerecach, Hrodowa dróha 2, 18. hłowna a wólbna zhromadźizna Domowiny.
193 delegatow ze wšěch župow a čłonskich towarstwow Domowiny so tam zeńdźe. Mjez hosćimi z politki a zjawneho žiwjenja budu zapósłancy Zwjazkoweho sejma Hartmut Koschyk, Marja Michałkowa, Thomas Jurk, Caren Lay, Stephan Kühn kaž tež wiceprezidentaj krajneju sejmow Sakskeje Horst Wehner a Braniborskeje Dieter Dombrowski a dalši zapósłancy krajneju sejmow.

Hłowny dypk tuteje hłowneje zhromadźizny Domowiny su wólby wšitkich gremijow na dobu přichodnych štyri lět. Dotal předleži 26 namjetow za čłonow zwjazkoweho předsydstwa. Dawid Statnik kandiduje znowa za předsydu; za městopředsydow Marko Hančik a William Janhoefer. Zwjazkowe předsydstwo móže po wustawkach Domowiny hač do 30 čłonow měć. Namjety za gremije móžeja so tež hišće na hłownej zhromadźiznje wot delegatow w mjenje swojeje župy abo swojeho towarstwa zapodać.

Zašła hłowna zhromadźizna 2015 w Haslowje bě nowy program Domowiny z hłownymi hesłami „zwjazanosć – wotewrjenosć – zamołwitosć” wobzamknyła. Delegatam lětušeje hłowneje zhromadźizny předpołoži so pisomna rozprawa, kak su so dźěłowe směrnicy – z nimi bě so program precizował – w zašłymaj lětomaj spjelnili. Rozprawu namakaja delegaća w swojej delegatnej mapje.

Akreditowanje žurnalistow
Žurnalistam poskićimy móžnosć, so za hłownu zhromadźiznu akreditować dać. Prošu přizjewće so za to hač do 17.03.2017 z mailku pola nowinskeje rěčnicy Domowiny,
e-mail: felber-pr-domowina.

Wotběh:
http://www.domowina.de/hsb/domowina/hlowna-zhromadzizna/18-hlowna-zhromadzizna-2017/wotbeh-a-casowy-plan/

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: