Apolitisce za měr abo nabožnje radikalny?

We wčerwašich Serbskich Nowinach so na třećej stronje „měrowa mša z muslimskim dźělom“ prezentowaše – přihotowanje koncerta w róžowniku we Wojerecach.

Tamle předstajeny partner – muecin z Drježdźan – je po měnjenju sakskeho krajneho zarjada za škit wustawy sobu zamołwity w organzaciji – takrjec „podlěšenej ruce“ radikalnoislamistiskeho bratstwa muslimow (MB), kotrež chce, po wuprajenju sěfa wustawoškita, Gordiana Meyera-Platha, šariju w Němskej zawjesć. Takle wobwinowaty pak praješe, zo steja woni za „apolitiski islam“.

Na naprašowanje Lipšćanskeje zapósłanče Juliany Nagel (Lěwica) statnemu knježerstwu (parlamantariska ćišćenka 6/8492 „Muslimbrüder in Sachsen“) wotmołwi minister za nutřkowne, Markus Ulbig (CDU), zo wuznaće k „apolitiskemu islamej“ njeje wěryhódne.

Knjez W., w medijach jako towaršnik SBS citowany, drje njeje wosobinsce we wotmołwje pomjenowany, ale nimale wšitcy referenća abo hóstni imamojo maja po zwěsćenju wustawoškita a nutřkowneho ministerstwa poćah k MB. A W. steji na internetnej stronje SBS http://sbs-net.de/ueberuns.php pod hešłom „předsydstwo“ jeničce sam z wonym dr. Saadom Elgazarom, kiž je so – tak Ulbig – w interneće k bratstwu muslimow wuznawał a pozdatnje antisemitisku poziciju zabrał. Po medijowych wozjewjenjach wo SBS njejsu tute přinoški hižo přistupne.

Znajmjeńša je SBS přinošk Sakskich Nowin wo diskusiji nastupajo zwisk SBS/MB na swojich stronach dokumentował: http://sbs-net.de/presse.php. Na jich homepage namakamy tež wuznawanje k wustawje Němskeje. A po takrjec hamtskim wumjetowanju ministra přećiwo jednaćelej SBS nastanje potrjeba dalšeje transparency – što je knjez Elgazar woprawdźe pisał a činił?

Hladajo na dotalne zjawne wobchadźenje knjeza W. z druhimi nabožinami, tež Židami (http://www.evlks.de/aktuelles/nachrichten/31726.html), njedwěluju na wosobinskej integriće tutoho muža. A po dwěmaj lětomaj wšědneje koeksistency doma z muslimami tak a tak nimam žaneje přičiny za njedowěru. Ale SBS wostanje – chcyjo nochcyjo – wočiwidnje tema.

Rozprawnistwo medijow:

http://www.mdr.de/sachsen/verfassungsschutz-meyer-plath-muslimbrueder-aktiv-in-sachsen-100.html

https://www.tag24.de/nachrichten/dresden-islamischer-staat-fluechtlinge-radikalisiert-sbs-muslimbrueder-verfassungsschutz-212362

Naprašowanje zapósłanče Nagel a wotmołwa statneho knježerstwa:

http://edas.landtag.sachsen.de/viewer.aspx?dok_nr=8492&dok_art=Drs&leg_per=6&pos_dok=&dok_id=236435

Wikipedija wo bratstwje muslimow:

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: