Hłowna zhromadźizna Maćicy Serbskeje

Hłowna zhromadźizna Maćicy Serbskeje na žurli Budyskeho Serbskeho muzeja sobotu popołdnju: Čłonojo a hosćo z tu- a wukraja sćěhowachu rozprawy a referaty. Mjez nimi Pjotr Pałys z Pólskeje, Radek Čermák z Čěskeje, předsyda Domowiny David Statnik a jednaćel třěšneho zwjazka Marko Kowar.

Moje prěnje dótkanišćo běše wuprajenje prof. Dietricha Šołty citowaceho Jurja Brězana ze spočatka 90tych lět: zo měješe pismowstwo wot časa narodneho wozrodźenja centralny wuznam za zdźerženje serbskeje identity. Kelko ludźi pak w generaciji 40- prawidłownje nowinu a knihi čita?

Wšo dohromady ma čłowjek dźensniši dźeń nic mjenje z tekstami činić hač prjedy. Ale te wobłuki spisowneje rěče su w postmodernej internetnej dobje přesuwane. Mejlki, SMSy, přinoški na WhatsApp a w socialnych syćach su poprawom ertna rěč w pisomnej formje. To, štož tamle wobjednawamy, by w starych časach předmjet rozmołwy za stajnym blidom, po puću do Konsuma abo w telefonaće był.

Ale štó hišće dołhi serbski list na papjerje piše abo tołsty serbski roman čita, kotryž tak a tak nichtó spisał njeje 😉? Dyrbimy potajkim serbsku ertnu rĕč kwalifikować, přetož je wona rólu spisowneje rěče přewzała. Wito Bejmak je wo digitalizowanju starych knihow porěčał – što budźe z načasnej produkciju serbskeho słowa?

Ta budźe přichodnje derje pochowana w bjezskónčnym składźe Google-rowa, ale faktisce zabyta kaž wšědne diskursy ludźi starokamjentneje doby, kotrež su jenož hišće w Božej knize žiwjenja přistupne. Štož blog Piwarca nastupa, nadźijam so nadrobnosće Serbskeho instituta, zo by něchtó jónu wšo wućišćał a w zapróšenym kućiku pincy składował, zo bychu Salmanowi prawnučcy moje mysle čitać móhli 😊.

Maćica Serbska wěnowaše so zaso na jara wěcywustojne wašnje pozadkam znateje zańdźenosće: Měrćin Wirth ewangelskim Serbam w Hornjej Łužicy a Hartmut Leipner situaciji ewangelskich Serbow w Delnjej Łužicy hač do přitomnosće. So wě, zo naš čistokrejny předsyda Jurij Łušćanski znowa za zdźerženje Serbskeho domu jako towaršliwu městnosć wojowaše – a tohodla přećiwo přeměstnjenju Serbskeje kulturneje informacije.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: