Serbska rěčna podpěra kurdam w sakskej stolicy – nam so derje wjedźe

Mějach dźens popołdnju němsko-kurdisku diskusiju na frakciskej žurli w Sakskim krajnym sejmje – składnostnje přijeća ke kurdiskemu nalětnjemu swjedźenjej #nowruz. Na teksće šěsć krótkich sadow smy doma pjećo wjacore hodźiny dźěłali 😊. Ani bratraj Salman a Nihad so přeco přezjednaj běštaj, hač dyrbiš „a“ abo „e“ prajić.

Problem analfabetow, kotřiž jenož fonetiku wobchadneje rĕče znaja. Mandźelska je stejišća Salmana, Nihada a Iwana k wurěkowanju jednotliwych słowow z nimi tak dołho wobjednawała, doniž njemóžeše wona mi něšto napisać, štož znajmjenša nichtó wotpokazał njeje. So wě, zo nic w spisownej kurdišćinje, ale ryzy po wurěkowanju.

Wšitcy su wjesele přikleskali. Ale hač su woni wšo rozumili? Narěč zapósłanče HDP Tuby Hezer bu wot zastupjerki Drježdźanskeho kurdiskeho towarstwa Dilary Karabacak přełožowana, kotraž je tež němske referaty kurdisce zjimała. Kurdisce? Nihad měnješe, zo bě to turkowsce 😉.

Woprawdźe měšeja kurdojo turkowskeho pochada husto z turkowskimi słowami, kurdojo ze Syriskeje z arabskimi. Jich maćernorěčny słowoskład je tak a tak skromny. Budźmy hordźi a dźakowni: Naš rěčny staw je lěpši hač pola štyrceći milionow kurdow.

Móžemy jim pomhać. Tohodla sym iniciatiwu za maćernorěčne šulske kubłanje namjetował. Na tym chcedźa nětko zhromadnje ze zapósłancom napřećo zarjadam w sakskej stolicy dźěłać. Dokelž bjez dobreho fundamenta maćeršćiny klaca z přiswojenjom druhich rěčow na wysokim niwowje.

Eine Antwort to “Serbska rěčna podpěra kurdam w sakskej stolicy – nam so derje wjedźe”

  1. wobkedźbowarka Says:

    Zdźěla maš prawje. (Horni) Serbja njemóža skóržić. Delni pak su w poslednich lětach rady na rěčne hodźiny do Šule za dolnoserbsku rěč a kulturu pola M.K. chodźili, zo bychu sej delnjoserbski prawopis přiswojili.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: