„Dresden – Drježdźany“ na pućnikach – sakske knježerstwo praji principielnje: Haj!

To je wono! We wotmołwje – dźensa zjawnosći předležacej – sakskeho ministra za hospodarstwo, dźěło a wobchad, Martina Duliga, kiž je zdobom zastupowacy ministerski prezident, na małe naprašowanje Łužiskeje zapósłanče Zelenych Franziski Schubert k dwurěčnym pomjenowanjam na pućnikach w hamtskim serbskim sydlenskim rumje tči sensacija: Zo póńdźe serbske mjeno městow zwonka serbskeho sydlenskeho ruma na tafle, je „anstrebenswert“, piše sakske knježerstwo. Zdobom woni puć k zaměrej hižo pokazuja: zhromadnje ze sakskim zwjazkom městow a gmejnow hamtske wobkrućenje historiskich serbskich mjenow. To je wulki wuspěch prócowanjow mjez druhim Rady za serbske naležnosće a Domowiny!

Link k parlamentariskej ćišćence z čisłom 6/8593 http://edas.landtag.sachsen.de/viewer.aspx?dok_nr=8593&dok_art=Drs&leg_per=6&pos_dok=1&dok_id=undefined

Potajkim wuchadźamy z bórzomneho zwoprawdźenja. Skerje zabawna je wotmołwa k wulkosći serbskich pismikow přirunujo z wjetšimi němskimi mjenami. Tule zhonimy, zo je tamle, hdźež je maksimalna spešnosć 50 km/h předpisana, obligatoriska wysokosć pismikow poprawom 126 mm. Hladajo na maksimalnu wulkosć cyłeje tafle njeje to w Serbach dodźeržujomne, tohodla su tež němske pismiki na minimalnje 105 mm redukowane, a te serbske dyrbja 70 mm wulke być. Namjetuju stopnjowanje kompromisa hač do runoprawosće: 87,5 mm za Serbow a Němcow. To dyrbi doshać, wšako móže tola nětk tež kóždy šofer awta 70 mm małke pismiki čitać, abo nic?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: