Wšědne serbowanje hłowny zaměr spěchowanja

Zapłać Bóh Janej Budarjej, direktorej Załožby za serbski lud, za jeho wuprajenja w dźensa wozjewjenym interviewje z Budyskimi Sakskimi Nowinami

http://www.sz-online.de/nachrichten/wir-muessen-uns-modernisieren-3652327.html

a wosebje za zwěsćenje w poslednjej wotmołwy, zo je najwažniši nadawk spěchowanja to: zdźěrženje wšědny dźeń žiwjeje serbšćiny!

Zmysł spěchowanja njeje ani profesionelne serbske wuměłstwo ani serbskorěčne kubłanje ani slědźenje serbskich wědomostnikow ani serbske medije ani digitalizowanje ani serbske institucije – wšě tute wěcy su načasne posłužbne instrumenty za serbske žiwjenje. A jadro serbskeho byća je na wšě časy mjezsobne serbowanje we wšědnym žiwjenju.

Jeli njeby hižo nichtó z dźěsćom abo susodom serbsce rěčał, njebychmy ničo z tych horjeka naličenych předmjetow statneho spěchowanja trjebali. Hižo před 1.500 lětami su ludźo we Łužicy serbowali – bjez wšěch tych wěcow. My dźensniši chcemy a trjebamy porno prjedownikam srjedźowěka wjac srědkow za normalne žwijenje (hač je to postup abo nic, njech kóždy sam pohódnoći). Ale na kóncu dźe wo to samsne kaž na spočatku: kóždy dźeń wot ranja hač do nocy ze swojimi najblišimi a druhimi ludźimi serbsce bjesadować: zhromadnje serbsce začuwać a myslić.

Tohodla je prěnjotny kriterij za nałožowanje „serbskich“ pjenjez: Přinošuje to k wšědemu serbowanju? Tajki lokalny rěčny management jako podpěru za serbske žiwjenje mam za jara dobru ideju – ale prošu nic jako pedagogiski, socialny, politiski abo zarjadniski projekt, ale jako ryzy njeběrokratiske komunikatiwne postupowanje serbskeje duše!

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: