Prawo Serbow w nowym sakskim šulskim zakonju – postup a brach

Dźensa je sakski krajny sejm nowy sulski zakoń wobzamknył. W nim bu prawo słyšenja zastupjerjow Serbow skrućene. To je zwjeselace a wuspěch serbskich prócowarjow.

Ale wězo bychu woni na Serbow přeco poskać dyrbjeli, hdyž su serbske naležnosće w zwisku z kubłanskej politiku potrjechene a nic jenož w bytostnych prašenjach. Tohodla je frakcija Lěwica eksaktnje to namjetowała.

http://www.linksfraktionsachsen.de/index.php?section=news&cmd=details&newsid=4694&teaserId=6

To pak je wjetšina sejma wotpokazała twjerdźo, zo je jich formulacija „1:1“ ze zastupjerjemi Serbow wothłosowana. To wězo njetrjechi.

Koalicija steješe pod wulkim časowym ćišćom, po tym zo staj šefaj Stanisław Tilich a Martin Dulig ćahańcu mjez CDU a SPD za kulisami skónčiłoj a bórzome wotzamknjenje jednanjow připowědźiłoj. To tež zwisowaše z wusudami sudnistwow (mjez druhim ke kóštam wuknjenskich srědkow a wuměnjenjam za přiwzaće na gymnaziju), na kotrež mějachu knježacy reagować.

Tohodla dźěše z wida Serbow na kóncu wo to, pak wuslědk jednanjow akceptować pak wšo za hrački stajić. Tak mamy nětkole nowe lěpše wuchadźišćo za přichodne polěpšenja.

Aktualne stejišćo předsydy Domowiny, Dawida Statnika:

Prawa Serbow w dalokej měrje zesylnjene

We wobłuku swojeho 52. plenarneho posedźenja dnja 11.04.2017 je Sakski krajny sejm Zakoń k dalewuwiću šulstwa w Swobodnym staće Sakska (předłoha 6/5078) wobzamknył.
Předsyda Domowiny Dawid Statnik praji k tomu: “Ze změnu tutoho zakonja mamy wjacore nowosće, kiž skića serbskemu ludej rozšěrjene móžnosće, w šulstwje wliw wukonjeć. Zhromadnje z krajom, gmejnami a šulemi chcemy so wo na přichod wusměrjenje spěchowanje serbskeje rěče prócować. Dźakuju so wšěm frakcijam, kiž su na polěpšenju prawniskeje situacije sobu skutkowali. Wosebje dźakuju kubłanskopolitiskimaj rěčnikomaj Sabinje Friedel (SPD) a Lotharej Bienstej (CDU). Wonaj běštaj w zašłych měsacach stajnje k rozmołwam zwólniwaj a staj nas w našich prócowanjach podpěrałoj.”

Na procesu nowelěrowanja šulskeho zakonja su so Domowina – Zwjazk Łužiskich Serbow, jeje čłonske towarstwo Serbske šulske towarstwo a Rada za serbske naležnosće Sakskeje z wjacorymi namjetami wobdźělili. Serbska rada je poradźowacy gremij za krajny sejm runje tak kaž za statne knježerstwo.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: