Prof. Wornar: „Spytam informacije a ličby wot uniwersity dóstać, nimam hišće wotmołwu“

Na moje prašenje

„Česćeny profesoro Wornarjo,

mam jako blogowar Piwar prašenčko: Móžeće mi prošu přičinu mjenować, čehodla je w běhu třoch lět (zymske semestry 2014/15, 2015/16 a 2016/17) po ličbach sekretariata za studentow na Lipšćanskej uniwersiće wšo dohromady 42 wjac požadanjow wo studij za serbske wučerstwo hač je potom započatkarjow studija było?

Wutrobnje strowi

Marcel Brauman

je direktor Instituta za sorabistiku w Lipsku hnydom a wobšěrnje wotmołwił, štož je přinošk ke kulturje transparency:

Česćeny knjez Braumanno,

(…) Poprawom to njemóžu wujasnić, dokelž smy so hižo před wjele lětami dorěčeli ze studijnym sekretariatom, zo nas informuja wo požadanjach. Tajke informacije pak njejsmy dóstali, tak zo z toho wuchadźach, zo so wšě kandidaća přiwozmu (kaž je prorektor napřećo ministerkomaj njedawno wobkrućił). Tuž běch wčera woprawdźe šokowany. (Přisp.: Zapisowanje a požadanje wo studijne městno běži centralnje, wo tym instituty ničo njezhonja.)

Ličba našich (přiwzatych) započatkarjow pak so kryje z tym, štož je so nam z boka serbskeju gymnazijow připowědźiło. Tuž sudźu, zo jedna so pola wot Was mjenowanych, wotpokazanych kandidatow wo absolwentow druhich gymnazijow, kiž su so najskerje wotpokazali, dokelž serbsce njemóža, a za kotrychž so tež Sšt njeje móhło zasadźować, dokelž wo nich ničo njewědźeše.

Hinaše wujasnjenje nimam, spytam tuchwilu tež informacije a ličby wot uniwersity dóstać, nimam pak hišće žanu wotmołwu, a njemóžu ličby wobkrućić. Za nas by to wulce wažna informacija była, dokelž Lipšćanska uniwersita tuchwilu z ministerstwom wo zarjadowanje studija wučerstwa za runje tajkich kandidatow jedna, a  ani SMWK ani wjednistwo uniwersity njewěstej, kelko studentow bychmy měli.

Jeli Waše ličby trjecha, by to na jednym boku rěkało, zo scyła njeby był problem, dosć přidružnikow za wučerstwo serbšćiny namakać. Na druhim boku pak bych za skandal měł, zo so falowacy serbscy wučerjo tematizuja a zdobom kandidaća wotpokazuja – cyle wothladajo wot toho, zo so nam (Institutej za sorabistiku) wumjetuje, zo mamy tak mało studentow.

Wutrobnje strowi

Edward Wornar

Eine Antwort to “Prof. Wornar: „Spytam informacije a ličby wot uniwersity dóstać, nimam hišće wotmołwu“”

  1. zrudna Says:

    „…wotpokazanych kandidatow wo absolwentow druhich gymnazijow, kiž su so najskerje wotpokazali, dokelž serbsce njemóža, a za kotrychž so tež Sšt njeje móhło zasadźować, dokelž wo nich ničo njewědźeše…“
    Tež hdyž to wšo trjechi, je Institut za sorabistiku sam na tym wina, dokelž njeje so wo potencielnych studentow bjez znajomosćow serbšćiny w prawym času starał.
    Za potencielnych studentow keltologije bjez znajomosćow iršćiny a walizišćiny žane wobmjezowanja njedawa. Za potencielnych studentow sorabistiki bjez znajomosćow serbšćiny je studij wučerstwa zakazany. Institut pak je dosć časa měł, so wo wosebite rjadowanje postarać. To wón činił njej, dokelž stej keltologija a hindologija wažnišej.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: