Dwurĕčnosć njedawa

W dwurěčnych regionach knježi přeco strach na woběmaj bokomaj, zo so ta druha rěč na njedobro swójskeje rěče rozšěrja. Samo w tradicionelnje dwurěčnych kónčinach kaž w Čechach abo Južnym Tirolu ženje dospołna stabilita měrneje dwurĕčnosće njeběše resp. njeje.

To prosće na tym zaleži, zo su a wostanu ludźo, kotřiž dwě abo wjac rěčow eksaktnje z jenakej intensitu abo emocionalnosću nałožuja, jara rědke wuwzaća. To je kaž z biseksualitu: Teoretisce je kóždy čłowjek mjenje abo bóle bi, faktisce pak je tež w najwotewrjenišej towaršnosći lědma štó wšědny dźeń ze žonu a mužom w stabilnym třiróžku žiwy 😊.

Tohodla sym za hižo lětstotki fungowacy šwicarski model. Kóžde sydlišćo kraja je oficialnje jednej dominantnej rĕči přirjadowane. W Asconje na přikład knježi najebać nawal wobydlerjow z němskorěčneje Šwicarskeje na wšě časy italšćina. A wšitcy němskorěčni znajmjeńša kusk italsce móža – a nawopak tak a tak.

Štóž wo „našich dwurěčnych wsach“ piše abo powěda, je tótka serbskeje substancy. Chrósćicy na přikład su serbska gmejna, a normalny postrow na dróze rěka „Budź chwaleny Jězus Chryst“. A šule w našich kónčinach maja serbske być, nic němskoserbske. Komuž so to njelubi, njech dźěći wozy – nic Serbja.

To je moje wosobinske měritko za pohódnoćenje modelow rěčnych a kubłanskich strategijow.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: