Žedźba za načasnymi serbskimi romanami

Na zajimawym zetkanju awtorow LND z Hornjeje Łužicy pjatk popołdnju na žurli Serbskeho domu w Budyšinje so tež praješe, zo pobrachuje nam serbska literatura za młodostnych. Tola zdobom faluja načasne romany za dorosćenych.

Je poměrnje wjele poskitkow za dźěći – a za staršich ludźi, kotřiž móža swoje doppomnjeća na powójnske a NDRske podawki z widom awtorow přirunować. Rjeńšo za cyły lud by było, hdyž by so mjenje do memoirow a bóle do literarneho rozestajenja z dźensnišim wšědnym žiwjenjom inwestowało, a nic nimale jeničce w formje krótkopowědančkow.

Hdyž pytach před wjele lětami za tołstym serbskim romanom, nadeńdźech w antikwariaće Smolerjec kniharnje knihu „Jan – roman pytaceho čłowjeka“. To je drje kedźbyhódny dokument ž časa natwara statnosocialistiskeho porjada, ale hdźe su romany, kotrež so temam kaž brunicy, wotpućowanju młodostnych abo konfliktam w zwisku z wobnowjenjom tradicionelnych nałožkow zaběraja?

Nimaja awtorojo hižo dosć chwile a materielneje wěstoty za wjetše knižne projekty beletristiskeho razu abo nochce to nichtó ani pisać ani (nimo mje) čitać? Wšako trjebaš w dowolu na přibrjoze tołšu lekturu 😊.

Eine Antwort to “Žedźba za načasnymi serbskimi romanami”

  1. stara sekretarka Says:

    Kaž je žurnalistka SN zwěsćiła, je poprawna cilowa skupina na literarnym čitanju literarneho dorosta falowała.

    Z hospodarskich přičin njeby nichtó roman w serbskej rěči pisał. Honorar LND zawěsće njedosaha, zo by so cyła próca pjenježnje narunała.

    Pisanje romanow njeje načasne.

    Nimo toho njewěrju, zo je wjetšina młodych Serbow w stawje, romany w serbskej rěči čitać, dokelž połojcu z toho romana zrozumić njebudźe.

    Memoiry so wozjewjeja, dokelž je wěsće, zo wone LND dochody přinjesu. Přiwuzni awtora rady dopomnjenki kupuja.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: