Dorosćeni za serbsku kubłansku awtonomiju

Měrćina Wjenkowy pledoyer přećiwo kultiwowanju rěčneho wobraza „małeho ludu“ (hlej tež předposledni post w tutym blogu) dopomina mje na naše wšitke spodźiwne metafry, kotrež smy w zwisku z wulkim bojom Chróšćan zběžka 2001 wuwiwali. Na přikład zo trjebamy my mały ludźik tajke něšto kaž rěbl, kotryž ma nam wulki němski bratr dać.

Wjenk pak w swojej konkluziji piše: „… chcu rjec na zbožo – nichtó ,mały serbski lud’ za ruku njewozmje. Ně, smy sami za sebje zamołwići, a tuž dyrbimy, ani mali ani wulcy, ale prosće dorosćeni, sami kročić.“ To za mnje praktisce rěka, zapřijeći Jana Nuka z woneho bojowniskeho časa, „kulturna awtonomija“ a „kubłanska awtonomija“ skónčnje wšitcy hromadźe chutnje brać a po nimaj jednać.

Štóž noche wěčnje prošer być, tón njesmě sebje samoho přeco jako wopor inscenować, ale ma sam jako akter wustupować. Porno kulturje, hdźež smy awtonomiji we wšědnym žiwjenju hižo jara blisko, widźu wulki deficit na kubłanskim polu. Město nošerja žadanjow bychmy dyrbjeli radšo nošer swójskich šulow być. Žadanja běchu za stareho Frycu.

(Wosobinsce ze słowčkom „mały lud“ žadyn problem nimam, dokelž běch přeco hišće přiwisnik hesła small is beautiful . Małej skupinje přisłušeć je tola něšto wosebite, žana přičina kompleksa mjenjehódnoty. Deminutiw w rěči pokazuje na wosebje rjane wěcki. – Ale w přerěznej serbskej realiće to snadź emocionalnje hinak wupada – abo tež nic .)

Eine Antwort to “Dorosćeni za serbsku kubłansku awtonomiju”

  1. Sejmikar Says:

    Dojednajće so najprjedy w Domowinje, što woprawdźe chceće, wšako je wjednica RCW Serbskim Nowinam prajiła, zo“Domowina a RCW serbsku kubłansku awtonomiju njepodpěrujetej“.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: