Braniborska ma mjeztym předskok

  • 20170812_184434W Podstupimskim knježerstwje dźěła statna sekretarka jako społnomócnjena za serbske naležnosće (http://www.mwfk.brandenburg.de/sixcms/detail.php/666337) – w Sakskej tajke wysoke zastojnstwo za serbske zajimy nimamy.
  • W Braniborskej maja znajmjeńša wěste zakonske kriterije za móžne skóržby třěšneho zwjazka Serbow – w Sakskej docyła nic.
  • Rozprawa knježerstwa k połoženju serbskeho ludu dyrbi wosrjedź legislaturneje periody wuchadźeć – a nic hakle ke kóncej kaž dotal w Sakskej.
  • Serbšćina je mjeztym runoprawna na taflach (a nic mjeńši připlack kaž w Sakskej), pućniki smědźa tež serbsce na komuny zwonka serbskeho sydlenskeho ruma pokazać – w Sakskej hišće w statusu přeća…
  • Dyrbja-li přichodnje při awtodróze stare pućniki z mjenami wotjězdow wobnjowjeć, budu wone w serbskim sydlenskim rumje dwurěčne. Tajke něšto je za Saksku serbski ministerski prezident Tilich pisomnje wotpokazał (hlej wobraz z dokumentom, tón dopokaz je sej wjele ludźi přało).
  • Gmejny a hamty (zarjad za małe komuny) dóstawaja pawšalnje tysac euro na lěto za serbsku rěč w zjwanym rumje – w Sakskej njedawa.
  • Při krajnym sejmje je němskoserbska tafla z mjenom parlamenta. W jeho domje je wupokazanje na rumnosć serbskeje rady dwurěčne, interface za techniku w rumach sejma móžeš tež serbsce nałožować – wšo to w Sakskej njeeksistuje.
  • Serbja maja prawo na rozšěrjenje dotal zakonsce postajeneho sydlenskeho ruma – w Sakskej su přisłušace gmejny w přiłoze serbskeho zakonja fiksowane.

To su jenož wosom z 16 dypkow na mojej lisćinje so złožowacej na rešerše w susodnym kraju. Sym so na wobsahi wobmjezował, hdźež je předskok Braniborskeje bjez dwěla a wobsahowje njezwadny.

Hdyž pak maja Delni Serbja politisce njedźiwajcy swojeje mjenšeje ličby a hišće mjenje serbwoacych ludźi tajki předskok před Hornimi Serbami, potom směmy so prašeć, na čimž to zaleži. Jeli bych lózy był, bych prajił: Dokelž su woni mjenje konserwatiwni a hišće mjenje poddani hač naši ludźo. So wě, zo je mi tež cyle hinaša interpretacija znata: Hdźež je Serbstwo tak a tak nimale mortwe, móža Němcy jara wulkomyslnje z nim wobchadźeć. To je hišće bóle lóze. Što je wěrnosć a konkluzija za Saksku? Pomhajće mi, čitarjo Piwarca!

Lětak krajneho knježerstwa: „Waše serbske prawa“: http://www.mwfk.brandenburg.de/media_fast/4055/Flyer%20MWfK_SorbenWenden.pdf

A štóž ma hišće prašenja abo nastorki, njech piše referentej społnomócnjeneje:

meto.nowak@mwfk.brandenburg.de

4 Antworten to “Braniborska ma mjeztym předskok”

  1. antihybridologowka Says:

    Kajki předskok ma Braniborska, hdyž tam wjace nichtó serbsce njerěči? Serbšćina je tam nimale zašła a ty jowle nam wo dobrej politice lěwicy a hybridologow pisaš!? Štó budźe tam serbske mjena na taflach čitać?
    Delni Serbja njemóža sej po mojim měnjenju nanuzowane rozšěrjenje sydlenskeho ruma dowolić. Tajka „okupacija“ budźe k přiběranju antipatije Serbam napřećo wjesć. Nuzowanje Němcow do serbskeho sydlenskeho ruma zastupić rěka indirektnje pokročowanje germanizaciskeje politiki. Ći, kiž su za hybridologow „němsce rěčacy Serbja“, budu na barikady hić. Potom změjemy wulki problem…

  2. woler Křesćanskich demokratow Says:

    Luby Piwarco, dokładź prošu, zo su so napisma w serbskej rěči při awtodróze wot Stanisława Tilicha wotpokazałe.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden / Ändern )

Twitter-Bild

Du kommentierst mit Deinem Twitter-Konto. Abmelden / Ändern )

Facebook-Foto

Du kommentierst mit Deinem Facebook-Konto. Abmelden / Ändern )

Google+ Foto

Du kommentierst mit Deinem Google+-Konto. Abmelden / Ändern )

Verbinde mit %s


%d Bloggern gefällt das: