Archive for August 2017

Serbske podawki požnjenca 2017

31. August 2017

08-29 Terminy september.pdf

Konopjana Domowina 😎

29. August 2017

Konopjane łopješka město lipowych – tute inowatiwnje změnjene znjameško třěšneho zwjazka je inwestigatiwny Měrćin Wjenk na festiwalu Nukstock wuhladał a zapopadnył.

Jako čłon prezidija Domowiny 😉 witam tajkele nowotarske akcenty w zwisku z našim corporate design narodneje organizacije. Tež ludźo, kotřiž su klasisce z piwom (a normalnym tobakom) po puću, nimaja z druhimi wariantami „sex and drugs“ žadyn problem.

„Seks je tema, kotraž nas wšěch zajimuje“, praješe jónu znaty serbski duchowny w póstnym prědowanju. A tež wopojadła, wšojedne hač palenc abo shisha abo… Porno seksej pak płaći w tutym wobłuku strowy princip: njepřehnawać 😊!

Tule dokumentowany t-shirt pokazuje připódla wšěroke zakótwjenje Domowiny we wšěch worštach serbskeho ludu. Snadź bórze tež tomatowe łopješka 😅.

Dźeń Saksow w Lubiju: „Delany“ w „azylu“ na jewišću krajneho sejma

28. August 2017

Ze Serbami njeje město Lubij, zarjadowar lětušeho Dnja Saksow, tak wobchadźało, kaž so słuša. Wotprajenje dwěmaj skupinomaj je blamaža za łužiske město. Muski chór „Delany“ budźe nětko tola tamle – takrjec w „azylu“ na jewišću sakskeho krajneho sejma:

http://www.alles-lausitz.de/die-stadt-loebau-ruestet-sich-fuer-den-tag-der-sachsen.html

https://www.tag24.de/nachrichten/sorgen-bei-den-sorben-tag-der-sachsen-sperrt-folklore-gruppe-aus-322945

To mje wjeseli, wšako budu – słužbnych winowatosćow dla – tamle w bliskosći, kaž hižo wjele lět składnostnje Dnja Saksow. Na přikład před něšto lětami – na foće w rozmołwje z Caren Lay (łužiskej zapósłanču zwjazkoweho sejma), Falkom Neubertom (zapósłancom krajneho sejma) a Katju Kipping (z Drježdźan, předsydu Lěwicy, w.l.).

Kubłanje: Přewjele wizijow, přemało skutkow

27. August 2017

Je dźeń a wjac pisanych idejow wo přichodźe serbskeho kubłanja. Mje wone njezajimuja. Ja sym přiwisnik přitomnosće a wužadanjow reality. Hdyž so na widźomny brjóh njewusměriš, jězba žanoho kónca nima.

Stat njemóže spadowacej ličbje serbowacych zadźěwać (jeli hišće spaduje, na čimž dwěluju). Ale tych podpěrować, kotřiž serbowanje rozšěrjeja. Njech je serbska rěčna šula lětsa hišće skromnuška, wona pak je praktiski započatk.

Tak by dale hić móhło z modelowej swobodnej serbskej šulu – scomter statnej podpěru. To wjac přinjese hač wizija serbskeje uniwersity. Štóž so nětko hnydom gratu přima (pytanje za nošerjom), budźe mój přećel 😎.

Łužiske regionalne stawizny na web 2.0 – nowy blog Serbskeho instituta

23. August 2017

Z blogom „Lausitz – Łužica – Łužyca“ kroči Serbski institut po nowych pućach k posrědkowanju regionalnych stawiznow a regionalneje kultury. Na njedawno wozjewjenej online-platformje so wotnětka w swobodnym slědźe přinoški z aktualneho krajowědno-sorabistiskeho slědźenja šěrokemu publikumej spřistupnja. Namakaće ju pod internetowej adresu

lausitz.hypotheses.org

Tematisce měri so blog na geografiske połoženje Łužicy mjez Němskej, Čěskej a Pólskej, mjez słowjanskim a němskim rěčnym rumom kaž tež mjez srjedźnej a wuchodnej/wuchodosrjedźnej Europu. Nastawki, eseje a historiske dokumenty z najwšelakorišich dobow maja zajim za sorabistiske slědźenje a regionalne stawizny budźić a wuwědomjenje historiskeje mostoweje funkcije Hornjeje a Delnjeje Łužicy spěchować.

Koncept bloga je so w Serbskim instituće w interdisciplinarnym slědźerskim wobłuku „Poćahi a splećenja“ wuwił. Jedne z wobsahowych ćežišćow leži tohodla na polu serbskich stawiznow, z tutoho wuchadźišća wobhladuja so transnacionalne a transkulturne stawizny poćahow a splećenjow we Łužicy.

Zakótwjeny je blog na platformje hypotheses.org, mjezynarodnym blogowym portalu za duchowne a socialne wědomosće, kotrehož němska wotnožka hlada so wot Załožby Maxa Webera a wot Němskeho historiskeho instituta w Parisu.

kontaktnej wosobje: dr. des. Friedrich Pollack, friedrich.pollack@serbski-institut.de

dr. des. Annalena Schmidt, annalena.schmidt@serbski-institut.de

(medijowe wozjewjenje Dr. Theresy Jacobsoweje, wědomostneje sobudźěłaćerki Serbskeho instituta w Budyšinje)

theresa.jacobsowa

BLOGOWAR PIWAR PŘEJE SOBUBLOGOWARJAM WJELE ZBOŽA!

Mjez Serbami lěpje hač mjez Saksami

20. August 2017

Při temje integracija je mjez Němcami třoch lěhwow: Ludźo, kotrymž je domizna něšto jara wažne, hladaja skeptisce na migrantow. Druzy, kotřiž su bóle kosmopolitisce nastajeni, wjeselu so nad kóždym připućowarjom. A srjedźa su dobri křesćenjo, kotřiž chcedźa prosće jednotliwym čłowjekam pomhać. Z komunikaciju mjez lěhwami klaca.

Zarjadowanje „Mjez Sakskami. Mjez złobami a witanjom“ na přepjelnjenej žurli Serbskeho domu štwórtk wječor běše drje wěcowne a měrniwe – zarjadowarjo Domowina, Serbski institut, nakładnistwo Chr. Links a Heinricha Böllowa załožba „dale myslić“ su hižo zwučenu klawslu přewzali, zo dyrbja znaći nacisća wonka wostać – njejsmy ani krajny rada ani jeho zastupnik 😎. Tak njejsu „ariscy bratřa“ nutř přišli. Ale mi běše diskusija kusk přeharmoniska, běch na horcyše kontrowersy přihotowany.

Na prašenje moderatorki, što sej za přichod Sprjewineho města přejemy, prajach: Přećelne wobličo, ke kotremuž móžemy wšitcy přinošować, zo by Budyšin ludźom wšelakeho pochada a maćeršćiny, kotřiž su tule žiwi, dobra domizna był. My Serbja smy 1.500 lět jowle žiwi a smy tež Němcow mjenje abo bóle integrowali. Chcemy so z našej kompetencu hospodliwosće wo to starać, zo so to z dalšimi migrantami šlachći.

Prototypiski načasny hornjołužiski Serb je horliwy zastupjer domizny, dobry křesćan a słowjanski kosmopolit. To rěka: Porno Němcam su pola nas wšě towaršnostne prudy w kóždej hłójčce. Tohodla njeknježi pola nas tajka agresiwita resp. njekomunikacija mjez wšelakimi pozicijemi. Njech je serbski lud němskemu runje we Łužicy z přikładom 😊.

Na foće wurězk podija (w.l.): Arndt Ginzel, kiž je wo nadpadach na serbskich młodostnych pisał, moderatorka Heike Kleffner, Piwarc jako zastupjer Dawida Statnika, a Matthias Meisner, korespondent Berlinskeho „Tagesspiegel“. Na prózdnym stólcu njesedźeše wyši měšćanosta Alexander Ahrens.

Kelko Serba tči w Udźe Wićazu?

19. August 2017

„Ein Sorbe kungelt mit der NPD“ komentowaše přećel w Knize wobličow moje přihłosowace přispomnjenje k dźensnišemu komentarej Budyskich Sakskich Nowin wo zastupowacym krajnym radźe

http://m.sz-online.de/nachrichten/kommentar-es-ist-zeit-fuer-konsequenzen-3753717.html

Z toho je mała bjesada wo tym prašenčku nastała, hač je Udo Wićaz serbski abo nic. Wo přećelnym wobchadźenju Wićaza ze Serbstwom swědči tež jeho čas jako wjesnjanosta we Łazu:

https://hoyte24.de/newsreader2/Sorbenr%C3%A4te_auf_einer_Stippvisite.html

Připódla prajene: A wjele zjawnych serbskich napismow je tamle w samsnej wulkosći kaž nĕmske 😊.

Twój hłós za łuku gladiolow při Dubjanskim lěsu!

19. August 2017

Wothłosowanje wo přirodnym dźiwje Němskeje 2017:

Budźe na kóncu wočiwidnje wuski wotstawk mjez faworitomaj. Kóždy hłós je wažny! 😊

https://www.sielmann-stiftung.de/naturwunder/

„Mjez Saksami“ w Budyšinje

18. August 2017

http://www.mdr.de/serbski-program/rozhlos/aktualne-prinoski/audio-465024.html

Nukstock 2017 w Sorbistanje

16. August 2017